Fréttir

- Samfélagsmál

Kvennalandsliðið á allra vörum

Landsliðshópur kvenna í knattspyrnu er á allra vörum. Með landsliðinu eru Hrefna Ösp Sigfinnsdóttir framkvæmdastjóri hjá Landsbankanum og Gróa Ásgeirsdóttir, Guðný Pálsdóttir og Elísabet Sveinsdóttir forsvarskonur Á allra vörum en þær færðu öllum í liðinu varasett að gjöf.

Íslenska kvennalandsliðið í knattspyrnu stendur saman í baráttunni gegn einelti. Af því tilefni færði Landsbankinn öllum leikmönnum landsliðsins glæsilegt Á allra vörum-varasett, en bankinn er bakhjarl bæði landsliðsins og landssöfnunarinnar. Kynningar- og fjáröflunarátak Á allra vörum gegn einelti og fyrir bættum samskiptum meðal barna og ungmenna stendur nú sem hæst en það nær hápunkti með landssöfnun á Rás 2 og í Sjónvarpinu föstudaginn 25. september.

Landsliðskonurnar eru mjög stoltar af því að styðja baráttu Á allra vörum gegn einelti – utan vallar sem innan. Þær verða í eldlínunni á Laugardalsvelli þriðjudaginn 22. september þegar þær mæta Hvíta-Rússlandi í fyrsta leik sínum í undanriðli EM.

Markmið söfnunarinnar er að opna samskiptasetur þar sem aðstandendur í eineltismálum geta fengið ráðgjöf og þjónustu frá fagaðilum. Samskiptasetrið verður sett á stofn í samvinnu við samtök fagfólks á sviði uppeldis-, lýðheilsu- og menntunarfræða sem nefnast Erindi. Þau hafa það markmið og hlutverk að miðla fræðslu og skapa almenna umræðu um málefni sem varða hag barna og ungmenna á öllum skólastigum.

Fulltrúar íslenska karlalandsliðsins fengu varasett að gjöf fyrir leik sinn gegn Kasakstan um daginn.

Á allra vörum

Samfélagsmál - 15. október 2019 10:30

Landsbankinn + Iceland Airwaves kynna: Tómas Welding

Landsbankinn hitar upp fyrir Iceland Airwaves með því að birta ný myndbönd og viðtöl við ungt tónlistarfólk á Iceland Airwaves-vef bankans. Nú er komið að síðasta myndbandinu sem er með söngvaranum Tómasi Welding.


Nánar

Samfélagsmál - 23. september 2019 14:09

Landsbankinn skrifar undir ný viðmið SÞ um ábyrga bankastarfsemi

Lilja Björk Einarsdóttir, bankastjóri Landsbankans, skrifaði undir ný viðmið um ábyrga bankastarfsemi í höfuðstöðvum Sameinuðu þjóðanna í New York 22. september. Þetta er viðamesta samstarfsverkefni alþjóðlega bankakerfisins og Sameinuðu þjóðanna hingað til.


Nánar