Fréttir

- Samfélagsmál

Opið fyrir umsóknir um umhverfisstyrki

Landsbankinn mun veita sérstaka umhverfisstyrki í ár líkt og síðustu ár og er umsóknarfrestur þeirra til og með mánudeginum 20. apríl nk. Samfélagssjóður bankans veitir árlega fimm milljónir króna í umhverfisstyrki. Markmið styrkjanna er að styðja við einstaklinga og félagasamtök sem starfa á sviði umhverfismála og náttúruverndar.

Sæktu um umhverfisstyrk

Umhverfisstyrkirnir eru ýmist 250 þúsund krónur eða 500 þúsund krónur og þeir flokkar verkefna sem helst er horft til eru:

  • Verkefni á sviði náttúruverndar, t.a.m. skógrækt, landgræðsla og hreinsun landsvæða.
  • Verkefni er styðja betra aðgengi fólks að náttúru landsins.
  • Verkefni er nýtast til verndar landsvæðum, t.d. vegna ágangs búfénaðar eða ferðamanna.
  • Verkefni er auka þekkingu og vitund almennings á umhverfismálum.
  • Verkefni er hvetja til umhverfisvæns hátternis.

Markmið Landsbankans með veitingu umhverfisstyrkja er í samræmi við stefnu bankans um samfélagslega ábyrgð. Landsbankinn ætlar að taka virkan þátt í að byggja upp sjálfbært samfélag þar sem efnahags-, samfélags- og umhverfismálum er fléttað saman við starfshætti bankans. Dómnefnd er skipuð sérfræðingum á sviði náttúru- og umhverfisverndar.

Sæktu um umhverfisstyrk

Samfélagsmál - 19. maí 2020 09:27

Landsbankinn leiðandi í Evrópu samkvæmt mælingu Sustainalytics

Landsbankinn fær enn betri einkunn en áður í nýju UFS-áhættumati frá Sustainalytics og lækkar úr 17,5 niður í 13,5 stig á skala sem nær upp í 100. Landsbankinn er nú í 2. sæti af 382 bönkum sem fyrirtækið hefur mælt í Evrópu.


Nánar

Samfélagsmál - 27. mars 2020 13:00

Samfélagsskýrsla Landsbankans aðgengileg á netinu

Samfélagsskýrsla Landsbankans fyrir árið 2019 er nú aðgengileg á vef bankans. Í skýrslunni er fjallað ítarlega um samfélagsábyrgð bankans og áhrif starfseminnar á umhverfi og samfélag.


Nánar