Viðskiptayfirlit

Viðskiptayfirlit

Viðskiptayfirlit birtist fyrirtækjum í ársbyrjun í netbankanum og inniheldur mikilvægar upplýsingar um helstu lykilstærðir í bankaviðskiptum félagsins fyrir árið á undan. Yfirlitið er án endurgjalds og eru meginkaflarnir þessir:

  • Innlán
    Reikningsnúmer, staða, yfirdráttarheimild, greiddir innvextir, fjármagnstekjuskattur, verðbætur og áunnir vextir.
  • Útlán
    Allar helstu upplýsingar um langtímalán og skammtímalán, þar með talin kreditkort og ábyrgðir.
  • Tryggingar og veðandlög
    - Tegund tryggingar, hvað hún tryggir, útgáfudagur og staða.
    - Nafn og tegund veðandlags, og nafn og kennitala eiganda þess.
  • Innheimtuskuldabréf – eigandi
    Númer bréfs, tegund láns, mynt, heildargreiðsla, afborgun af höfuðstól, afborgun vaxta, þóknanir, dráttarvextir og eftirstöðvar.
  • Innheimtuskuldabréf – greiðandi
    Númer bréfs, tegund láns, mynt, heildargreiðsla, afborgun af höfuðstól, afborgun vaxta, dráttarvextir og eftirstöðvar.
  • Netbankagögn
    Millifærsluhámark fyrirtækisins sjálfs, opnunartímar netbankans (aðgangstími innan sólarhrings), ítarupplýsingar um notendur, greiðsluheimildir þeirra og önnur réttindi, þar með talið aðgengi að bankareikningum, kreditkortum og þjónustuþáttum.

Mánaðaryfirlit fyrir nýjustu upplýsingar hverju sinni

Fyrirtæki geta skráð sig í mánaðarlega áskrift að viðskiptayfirlitinu. Þá birtist nýtt PDF skjal til niðurhals í upphafi hvers mánaðar á tveimur tungumálum líkt og árlega yfirlitið. Uppbyggingin á efninu er hin sama og í ársyfirlitinu og má líkja skjalinu við að áramót hendi 12 sinnum á ári. Viðskiptavinir skrá sig sjálfir í þjónustuna í Netbankanum gegn árgjaldi undir Yfirlit > Viðskiptayfirlit og smella þar á hnappinn Panta mánaðaryfirlit og afskrá sig líka þar ef vill.

Rekstraryfirlit húsfélaga

Húsfélög hafa sinn eigin aukalega kafla í viðskiptayfirlitinu sem nefnist Rekstraryfirlit húsfélaga. Rekstraryfirlitið er sérsniðið að þörfum húsfélaga og skiptist í fimm undirkafla:

  • Mótteknar kröfugreiðslur (greiddar)
    Gjalddagi, greiðandi, kröfunúmer, fjárhæð, dráttarvextir, vanskilakostnaður, seðilgjald, samstals greitt, fjármagnstekjuskattur og greiðsludagur.
  • Ómótteknar kröfugreiðslur (enn ógreiddar)
    Gjalddagi, greiðandi, kröfunúmer, fjárhæð, seðilgjald, uppsafnaðir vextir, til greiðslu og tilvísun.
  • Mótteknar kröfugreiðslur – rekstraryfirlit
    Samandregin tafla sem sýnir bókhaldslykla, skýringartexta, útborganir og innborganir.
  • Greiddar kröfur
    Greiðsludagur, kröfuhafi, efnisheiti, kröfunúmer og fjárhæð.
  • Greiddar kröfur – rekstraryfirlit
    Samandregin tafla sem sýnir bókhaldslykla, skýringartexta, útborganir og innborganir.

Aðrir kaflar húsfélaga eru hinir sömu og birtast hefðbundnum fyrirtækjum.

Skrá í mánaðarlega áskrift

 

Af hverju er yfirlitið eingöngu í PDF?

PDF skráarsniðið er notendavænna en rafrænu skjölin og vefsíðurnar, þar sem auðvelt er að vista skjölin og deila þeim með öðrum, innan og utan fyrirtækisins.

Hvernig virkar mánaðarlega áskriftin?

Í byrjun mars birtast dagslokagögn frá síðasta degi febrúar með uppsafnaðri stöðu frá áramótum. Í byrjun apríl birtast gögn mars mánaðar með uppsafnaðri stöðu frá áramótum. Þannig gengur þetta koll af kolli – og fyrir vikið hefur viðskiptavinurinn aðgengi að stöðu bankaviðskipta aftur í tímann.