Innskráning á launagreiðendavefinn er með rafrænum skilríkjum. Sá sem sér um skilin þarf að vera prókúruhafi en einnig getur prókúruhafi eða handhafi íslykils veitt öðru starfsfólki umboð til að sinna lífeyrismálum. Umboðsmaður skráir sig inn með eigin Íslykli eða rafrænum skilríkjum á island.is.

Innskráning á launagreiðendavef

Leiðbeiningar fyrir launagreiðendavef

Hægt er skila til okkar skilagreinum með tvenns konar hætti á launagreiðendavef. Þú skráir skilagrein eða sendir textaskrá.

Leiðbeiningar um skráningu skilagreina á launagreiðendavef

Prókúruhafi fyrirtækis eða handhafi Íslykils þess getur veitt öðru starfsfólki umboð til að sinna lífeyrismálum. Umboðsmaður skráir sig inn með eigin Íslykli eða rafrænum skilríkjum á island.is.

Í þjónustu er valið „Landsbankinn – launagreidendur.landsbankinn.is“ og hakað við „umboðshlutverk: Launafulltrúi“.

Leiðbeiningar um skráningu á umboði fyrir launagreiðendavef Landsbankans

Skyldulífeyrissparnaður er greiddur fyrir alla launþega og þá sem stunda atvinnurekstur frá og með 16 ára til 70 ára aldurs. Lágmarksiðjald er 12% af launum fyrir skatt. Framlag launþega er í flestum tilfellum 4% og mótframlag launagreiðanda 8%. Sjálfstæðir atvinnurekendur greiða hvort tveggja og er heildarframlag þeirra því 12%.

Stór hópur launþega á aðild að kjarasamningum ASÍ og SA. Flestir í þeim hópi eiga rétt á 15,5% heildariðgjaldi í lífeyrissjóð þar sem eigið framlag er 4% og mótframlag vinnuveitanda 11,5%.

Launagreiðandi ber ábyrgð á að greiða iðgjöld í lífeyrissjóð mánaðarlega.

Auk skyldulífeyrissparnaðar er hægt að greiða séreignarsparnað í séreignarsjóð, oft nefnt viðbótarlífeyrissparnaður. Heimilt er að greiða allt að 4% af launum í séreignarsparnað og greiðir launagreiðandi 2% mótframlag samkvæmt flestum kjarasamningum. Sjálfstæðir atvinnurekendur greiða hvort tveggja og er heildarframlag þeirra því almennt 6%.

Þeir launþegar sem eiga aðild að lífeyrissjóðum á samningssviði ASÍ og SA geta valið að ráðstafa allt að 3,5% af 15,5% heildariðgjaldi skyldulífeyrissparnaðar í tilgreinda séreign. Ef sjóðfélagi velur ekki að greiða í tilgreinda séreign fer iðgjaldið í samtryggingu viðkomandi sjóðs.

Hjá þeim sem greiða skyldulífeyrissparnað til Íslenska lífeyrissjóðsins og njóta hærra iðgjalds, þ.e. 15,5%, greiðist 3,5% inn í frjálsa séreign sem er laus til úgreiðslu frá 60 ára aldri.

Hægt er að færa tilgreinda séreign til Íslenska lífeyrissjóðsins

Launþegar sem hafa valið að greiða í tilgreinda séreign í skyldulífeyrissjóði á vegum ASÍ og SA geta fært sömu séreign til Íslenska lífeyrissjóðsins og ávaxtað hana þar.

Hjá Lansdbankanum er hægt að velja að greiða séreignasparnað í Lífeyrisbók og Lífeyrissparnað – Erlend verðbréf. Íslenski lífeyrissjóðurinn sem er sjálfstæður lífeyrissjóður tekur bæði við greiðslum í skyldulífeyrissparnað og séreignarsparnað. Þeir sem ekki eru bundnir af ákvæðum kjarasamninga eða laga er frjálst að greiða skyldulífeyrissparnað til Íslenska lífeyrissjóðsins og öllum er heimilt að greiða séreignarsparnað í sjóðinn. Einfaldast er að stofna samninga um lífeyrissparnað hjá Landsbankanum inn á sjóðfélagavefnum.

Uppsagnarfrestur vegna séreignarsparnaðar er 2 mánuðir. Uppsögn þarf að vera skrifleg.

Greiðslur í nýjan sjóð getur ekki hafist fyrr en staðfest uppsögn frá fyrri vörsluaðila hefur borist launagreiðanda eða 2ja mánaða uppsagnarfrestur er liðinn.

• Gjalddagi iðgjalda er 10. dagur næsta mánaðar eftir launatímabil.
• Eindagi iðgjalda er síðasti dagur næsta mánaðar eftir launatímabil.
• Ef iðgjald er ekki greitt fyrir eindaga leggjast á það dráttarvextir frá gjalddaga til greiðsludags.

lnnheimtuviðvörun er send 15. dag næsta mánaðar á eftir eindaga og veittur er 10 daga frestur. Stofnuð er krafa ef hún er ekki þegar til staðar. Ef skilagrein er enn ógreidd 15 dögum eftir að innheimtuviðvörun er send er hún send til Motus til frekari innheimtu. Skuldin er send í lögfræðinnheimtu þremur mánuðum frá eindaga.

Ríkisskattstjóri sendir árlega upplýsingar yfir vangreidd lífeyrisiðgjöld vegna síðastliðins árs til lífeyrissjóða sem ber að innheimta samkvæmt því. Hafi hluti iðgjalda tekjuárs verið greidd í lífeyrissjóð eða sérstaklega merkt við ákveðinn sjóð á skattframtali þá sér viðkomandi lífeyrissjóður um innheimtuna. Ef engin iðgjöld hafa borist vegna tekjuársins er innheimta í höndum SL lífeyrissjóðs.

Hægt er að óska eftir að Íslenski lífeyrissjóðurinn yfirtaki kröfur frá SL lífeyrissjóði með því að senda tölvupóst á bakvinnslalifeyrissjoda@landsbankinn.is með afriti af greiðsluseðli frá SL lífeyrissjóði innan uppgefins frests SL lífeyrissjóðs.