Fréttir

- Fjárfestatengsl

Ákvörðun um greiðslu arðs verði frestað til framhaldsaðalfundar

Bankaráð Landsbankans mun á aðalfundi 27. mars nk. leggja til að ákvörðun um greiðslu arðs vegna reikningsársins 2019 verði frestað til framhaldsaðalfundar sem haldinn verði innan tveggja mánaða frá aðalfundi.

Helga Björk Eiríksdóttir, formaður bankaráðs, segir: „Í ljósi þeirrar efnahagslegu óvissu sem nú ríkir vegna útbreiðslu Covid-19 veirunnar leggur bankaráð til að ákvörðun um arðgreiðslu verði frestað til framhaldsaðalfundar. Tæplega 40% landsmanna og um þriðjungur af fyrirtækjum í landinu eru í viðskiptum við Landsbankann. Bankinn er vel í stakk búinn til að takast á við þær áskoranir sem nú blasa við og með því að fresta ákvörðun um arðgreiðslu til framhaldsaðalfundar eykst svigrúm bankans til að styðja við viðskiptavini sína enn frekar.“

Bankaráð hafði áður haft í hyggju að leggja til að greiddur yrði arður til hluthafa sem næmi 0,40 krónu á hlut vegna rekstrarársins 2019 í tveimur jöfnum greiðslum á árinu 2020. Heildarfjárhæð arðgreiðslunnar væri 9.450 milljónir króna, eða sem samsvarar 52% af hagnaði samstæðunnar á árinu 2019. Frá árinu 2013 hefur Landsbankinn alls greitt um 142 milljarða króna í arð og hefur fjárhæðin að stærstum hluta runnið í ríkissjóð.

Í tillögum bankaráðs kemur einnig fram að gerð er tillaga að óbreyttu bankaráði og að Helga Björk Eiríksdóttir verði áfram formaður bankaráðs. Þá er lagt til að þóknun til bankaráðsmanna verði óbreytt milli ára.

Upplýsingar um aðalfund Landsbankans 27. mars

Forsíða - 30. júlí 2020 15:59

Uppgjör Landsbankans fyrir fyrri helming ársins 2020

Afkoma Landsbankans var neikvæð um 3,3 milljarða króna eftir skatta á fyrri helmingi ársins 2020 samanborið við 11,1 milljarðs króna hagnað á sama tímabili árið 2019. Virðisrýrnun útlána nam 13,4 milljörðum króna á tímabilinu sem jafngildir um 1,1% af útlánasafni bankans, samanborið við virðisrýrnun upp á 2,4 milljarða króna á sama tímabili í fyrra.


Nánar

Forsíða - 21. júlí 2020 12:54

Landsbankinn besti banki á Íslandi að mati Euromoney

Alþjóðlega fjármálatímaritið Euromoney hefur valið Landsbankann besta bankann á Íslandi og er þetta annað árið í röð sem bankinn hlýtur þessa viðurkenningu. Við útnefninguna er litið til ýmissa þátta í rekstri og stefnu bankanna, eins og afkomu af reglulegri starfsemi, kostnaðarhagræðingar og þjónustuframboðs.


Nánar

Fjárfestatengsl - 07. maí 2020 16:48

Uppgjör Landsbankans fyrir fyrstu þrjá mánuði ársins 2020

Afkoma Landsbankans var neikvæð um 3,6 milljarða króna eftir skatta á fyrstu þremur mánuðum ársins 2020, samanborið við 6,8 milljarða króna hagnað á sama tímabili árið 2019. Virðisrýrnun útlána nam 5,2 milljörðum króna á tímabilinu, samanborið við virðisrýrnun upp á 1 milljarð króna á sama tímabili í fyrra.


Nánar

Hafðu samband

Fjárhagsdagatal


Dagatalið er birt með fyrirvara um breytingar