Heimilið og fjölskyldan eru með því dýrmætasta sem við eigum. Öll gerum við ráð fyrir að lífið gangi fyrir sig án stórra áfalla, en þegar þau verða geta þau ekki aðeins haft áhrif á lífið heldur líka fjárhag heimilisins. Þess vegna er mikilvægt að skapa öryggisnet sem tekur við ef óvænt áföll bera að. Hefðbundnar tryggingar geta veitt mikilvægan stuðning þegar tekjutap verður en íbúðalánavernd er sérstaklega ætlað að lækka íbúðalán og þar með afborganir ef lántakandi fellur frá.