Endurfjármögnun

Hvers vegna að endurfjármagna?

Vextir og kjör íbúðalána breytast og því borgar sig að fylgjast vel með hvernig lánin þín standast samanburð við þau lán sem eru í boði á hverjum tíma. 

Ýmsar ástæður geta verið fyrir því að hentugt er að endurfjármagna íbúðalánið; betri kjör, hraðari niðurgreiðsla eða lenging lánstíma. 

Það sem skiptir máli er að íbúðalánið þitt falli sem best að stöðu þinni og markmiðum á hverjum tíma.


Lægri vextir og lengri lánstími lækka greiðslubyrðina

Ef þú vilt lækka greiðslubyrðina er mögulegt að gera það með því að breyta láninu þínu.

Lægri vextir lækka greiðslubyrðina en ólíkar tegundir lána hafa líka ólík áhrif á greiðslubyrði. Greiðslur af verðtryggðum lánum eru t.d. lægri í upphafi lánstíma en greiðslur af óverðtryggðum lánum.

Þú getur líka lengt lánstímann en mikilvægt er að hafa í huga að lengra lán hækkar kostnað til lengri tíma litið.



Er uppgreiðslugjald á láninu?

Áður en þú tekur ákvörðun um að endurfjármagna lánið þitt þarftu að vita hvort uppgreiðslugjald er á láninu. Slíkt gjald getur haft áhrif á hvort hagstætt er að breyta láninu.

Uppgreiðslugjöld eru misjöfn eftir lánastofnunum. Ráðgjafar okkar geta aðstoðað þig við að reikna út hvaða áhrif uppgreiðslugjaldið hefur á lánið þitt.

Í reiknivélum Landsbankans getur þú reiknað út greiðslubyrði ólíkra tegunda íbúðalána. Auðvelt er að bera saman lánakosti.



Nýttu svigrúmið

Greiðslubyrði þeirra sem hafa fengið leiðréttingu á verðtryggðum fasteignalánum hefur lækkað. Með svigrúminu sem þetta veitir gefst tækifæri til að halda áfram að greiða svipaða upphæð og borga lánið

hraðar upp en ella. Með þessu er hægt að spara umtalsvert því vaxtagreiðslur lækka þegar fram í sækir ef lánið er greitt hraðar niður.

 



Hvað þarf ég að gera ef ég vil endurfjármagna?

Fyrsta skrefið er að koma við í útibúinu þínu og tala við ráðgjafa okkar sem leiða þig í gegnum ferlið.

Ef íbúðalánið þitt er ekki frá Landsbankanum mælum við með að þú hafir meðferðis upplýsingar um lánið en þær getur þú í flestum tilfellum nálgast í netbankanum þínum.

 


Hvaða möguleikar eru í boði?

Viðskiptavinum standa til boða ýmsar leiðir við endurfjármögnun íbúðalána.

Hámarksveðsetning við endurfjármögnun getur verið allt að 80% af verðmati eignar, þar af getur grunnlán verið allt að 70% af fasteignamati og viðbótarlán allt að 80% af verðmati.

Íbúðalán Landsbankans eru í boði óverðtryggð með föstum eða breytilegum vöxtum og verðtryggð með föstum eða breytilegum vöxtum. Einnig er í boði að taka blandað íbúðalán þar sem hluti er verðtryggður og hluti óverðtryggður.


Landsbankinn býður vandaða ráðgjöf um íbúðalán

Fá ráðgjöf um íbúðalán