Bankaþjónusta fyrir börn og unglinga

Þegar börn verða níu ára geta þau, með samþykki foreldra eða forráðamanns, fengið debetkort og skoðað bankareikninginn sinn í appi og netbanka. Ýmis bankaþjónusta er í boði fyrir börn og unglinga og skýrar reglur gilda um fjármál þeirra.

Fjórir krakkar, tveir í forgrunni og tveir að klifra í bakgrunni

28. desember 2020 - Landsbankinn

Börn á aldrinum 9-12 ára þurfa samþykki forráðamanns til að stofna debetkort og fá aðgang að appi/netbanka. Þegar 13 ára aldri er náð þurfa þau ekki slíkt samþykki. Foreldrar og forráðamenn hafa heimild til að fylgjast með reikningum barna sinna þar til 18 ára aldri er náð, en þá verður barn fjárráða og sú heimild fellur niður.

Hvernig er hægt að stofna reikning og fá debetkort fyrir börn?

Til þess að stofna bankareikning í nafni barns þurfa barn og forráðamaður annað hvort að panta tíma í ráðgjöf í útibúi eða koma í viðskipti í gegnum appið eða netbankann. Ef þið komið í útibúð til að stofna reikning og fá debetkort fyrir barnið þarf foreldrið að hafa skilríki sín meðferðis (t.d. vegabréf). Ef barnið á rafræn skilríki er einfalt að stofna til viðskipta í appinu eða netbankanum en þá stofnast debetkort og reikningur.

Hvernig þjónusta er í boði fyrir börn og unglinga?

Fyrst um sinn mælum við með að stofnaður sé veltureikningur, sem tengdur er við debetkort, og sparnaðarreikningur. Mikilvægt er að börn læri snemma að umgangast peninga af ábyrgð og því leggjum við mikla áherslu á að kynna fyrir þeim fjármálalæsi, m.a. í gegnum Klassa, þjónustu sem er sérsniðin að þörfum barna og unglinga á aldrinum 9-15 ára. Sprotarnir eru vinsælt app sem Landsbankinn gaf út til að leiðbeina börnum í fjármálum.

Sparnaður barna

Börn eiga sína peninga sjálf og því er mikilvægt að fjármunir þeirra séu geymdir á reikningum í þeirra eigin nafni. Sérstakar reglur gilda um fjárráð barna sem ekki eru orðin fjárráða (hafa ekki náð 18 ára aldri) og hvetjum við foreldra og forráðamenn til að kynna sér þær. Við mælum með að auk veltureiknings sé stofnaður sparnaðarreikningur í nafni barnsins til að halda utan um sparifé þeirra.

Almennt um meðferð fjármuna ófjárráða barna

Fáðu ráðgjöf

Þú getur alltaf pantað tíma hjá ráðgjöfum okkar, hvort sem er í næsta útibúi eða með því að fá símtal frá okkur þar sem við getum farið yfir þín fjármál eða svarað spurningum. Þjónustuverið aðstoðar líka við alla helstu bankaþjónustu í síma 410 4000 og í gegnum netspjallið á landsbankinn.is.

Þú gætir einnig haft áhuga á

24. mars 2021

Aldrei of snemmt að byrja að spara

Sparnaður er góð leið til þess að láta drauma sína rætast. Það er gaman að sjá fjárhæðina hækka og því fylgir öryggistilfinning að eiga fyrir óvæntum útgjöldum. Svo er mikið frelsi fólgið í því að geta keypt sér það sem mann vantar eða bara langar í, þegar maður vill.

28. des. 2020

Ertu að flytja til landsins og vantar bankareikning?

Það er ekki flókið að stofna bankareikning, jafnvel þótt þú sért nýkomin/-inn til landsins. Til þess að stofna til viðskipta við banka á Íslandi þarftu að vera með íslenska kennitölu. Ef þú ert ekki með kennitölu er fyrsta skrefið að stofna kennitölu hjá Þjóðskrá Íslands.

28. des. 2020

Hvað breytist við að verða fjárráða?

Á átjánda afmælisdeginum þínum verður þú sjálfráða, sem þýðir að þú ræður þér næstum að öllu leyti sjálf/ur. Á sama degi verður þú líka fjárráða, sem þýðir að þú hefur full yfirráð yfir peningunum þínum sem áður voru að mestu leyti á ábyrgð foreldra eða forráðamanna.

27. mars 2020

Hvað geri ég ef tekjurnar lækka skyndilega?

Ef fólk verður fyrir óvæntum tekjumissi eða tekjulækkun er mikilvægt að bregðast hratt við, s.s. með því að reyna að minnka útgjöld. Ýmis úrræði og lausnir eru í boði.

4. sept. 2019

Ungt fólk og peningar

Á ungt fólk að hugsa um sparnað? Pétur Kiernan, fjölmiðlamaður og nemi í fjármálaverkfræði, hefur kynnt sér ungt fólk og peninga með því að ræða við nokkur ungmenni og fá ráðgjöf hjá sérfræðingi Landsbankans.