Miklu mun­ar á leigu­verði eft­ir hverf­um og lands­hlut­um

Þjóðskrá Íslands sendir mánaðarlega út upplýsingar um leiguverð sem eru byggðar á þinglýstum leigusamningum um húsaleigu. Niðurstaðan er sýnd sem leiga á hvern fermetra fyrir tveggja, þriggja og fjögurra til fimm herbergja íbúðir víða um land.
Blokkir í Skuggahverfi
20. janúar 2017

Það gefur augaleið að tölfræðilegar upplýsingar frá stærri svæðum eru alltaf áreiðanlegri en af minni svæðum. Einnig ber að hafa í huga að upplýsingar Þjóðskrár byggja einungis á leigusamningum sem hefur verið þinglýst. Öflun húsaleigubóta er helsti hvati til þinglýsingar og því er líklegt að minni hvati sé til þess að þinglýsa samningum um allra stærstu og allra minnstu eignir.

Í desember 2016 byggðu upplýsingar Þjóðskrár á um 300 leigusamningum af öllu landinu. Hæsta meðalleiguverð í desember var 2.893 kr. á fermetra fyrir tveggja herbergja íbúð í austurhluta Reykjavíkur og lægsta leiguverðið var 1.085 kr. fyrir fjögurra til fimm herbergja íbúð á Ísafirði.

Niðurstöður Þjóðskrár sýna yfirleitt hæsta leiguverðið á fermetra fyrir tveggja herbergja íbúðir og það lægsta fyrir stærstu íbúðirnar. Til þess að skoða leiguverðin nánar verða hér sýndar upplýsingar um mánaðarleigu fyrir 60 m2 tveggja herbergja íbúðir, 85 m2 þriggja herbergja íbúðir og 110 m2 fjögurra til fimm herbergja íbúðir.

Tveggja herbergja íbúðir

Greinilegt er að hæsta leiguverðið á tveggja herbergja íbúðum er í vesturhluta Reykjavíkur, rúmlega 170 þús. kr. fyrir íbúð af þessari stærð. Þvínæst kemur austurhluti Reykjavíkur með um 160 þús. kr. Lægsta verðið er aftur á móti á Suðurnesjum, 95 þús. kr.

Þriggja herbergja íbúðir

Leiguverð fyrir þriggja herbergja íbúðir er langhæst í vesturhluta Reykjavíkur, um 220 þús. kr. Leiguverð er svo í kringum 170-180 þús. kr. víða annars staðar á höfuðborgarsvæðinu. Langlægsta verðið er á Vestfjörðum, tæplega um 90 þús. kr. fyrir íbúð af þessari stærð.

Fjögurra til fimm herbergja íbúðir

Stærstu íbúðirnar eru dýrastar í austurhluta Reykjavíkur, um 230 þús. kr. fyrir 110 m2 íbúð. Næsthæsta verðið er í Breiðholti. Lægsta leiguverðið eru Suðurlandi, Vesturlandi og Akureyri, um 130 þúsund.

Þú gætir einnig haft áhuga á
Skipulagning framkvæmda
6. des. 2022

Hvað kostar að taka skammtímalán?

Óvænt útgjöld eða tekjufall geta valdið því að stundum þarf að taka lán til skamms tíma og með litlum fyrirvara. Ýmis skammtímalán eru í boði og það borgar sig að kanna hvar hægt er að fá bestu kjörin.
Íbúðahús
9. nóv. 2022

Hvernig virka verðtryggð lán?

Verðtryggð lán eru bundin við vísitölu neysluverðs sem er notuð til að mæla verðbólgu. Það þýðir að höfuðstóll lánsins hækkar í takt við verðbólguna hverju sinni. Ef verðbólga er mikil getur hækkunin verið umtalsverð og haft þau áhrif að greiðslubyrði verðtryggðra lána hækkar þegar líður á lánstímann.
2. nóv. 2022

Hvernig er hægt að ávaxta sparnað í verðbólgu?

Þegar verðbólga er há getur verið snúið að ávaxta sparnað til skemmri tíma. Ef ávaxta á sparnaðinn til lengri tíma eru fleiri möguleikar í stöðunni.
20. okt. 2022

Þú getur byggt upp séreign með skyldulífeyrissparnaðinum

Í hugum margra er lítill munur á lífeyrissjóðum og þeirri þjónustu sem þeir bjóða upp á. Sú er þó ekki raunin og liggur munurinn m.a. í því að sumir lífeyrissjóðir bjóða fólki upp á þann kost að greiða hluta af skyldulífeyrissparnaði í séreign sem ella hefði runnið í samtryggingu. Séreignin erfist að fullu við fráfall sjóðsfélaga.
11. okt. 2022

Hvaða áhrif hafa vaxtahækkanir á lánin mín?

Hærri stýrivextir leiða til þess að vextir og mánaðarleg greiðslubyrði á lánum sem eru með breytilega vexti hækka. Þetta á meðal annars við um neytendalán á borð við yfirdrátt og greiðsludreifingu á kreditkortum en mestu munar þó yfirleitt um íbúðalánin.
Fasteignir
2. sept. 2022

Ætti ég að festa vextina á íbúðaláninu mínu?

Seðlabankinn hefur á árinu 2022 hækkað stýrivexti, úr 2% í 5,5% en lægstir voru stýrivextir 0,75% á árinu 2021. Þegar vextir byrjuðu að hækka varð algengara að fólk festi vextina, í 3 eða 5 ár. Í þessari grein er fjallað um muninn á föstum og breytilegum vöxtum og hvað þarf að hafa í huga þegar ákvörðun um lánsform er tekin.
26. ágúst 2022

Kaup í sjóðum getur verið einfaldasta leiðin til að dreifa áhættunni

Sjóðir eru í stuttu máli safn margra fjárfestinga og er ætlað að einfalda fólki dreifingu eigna til að draga úr áhættu og sveiflum. Margar tegundir sjóða eru í boði og fylgja þeir ólíkum markmiðum. Sumir sjóðir stefna til dæmis að því að lágmarka áhættu eða sérhæfa sig í tilteknum atvinnugreinum eða hugmyndafræði, s.s. sjálfbærni.
26. ágúst 2022

Hvernig kaupi ég hlutabréf?

Það er mjög einfalt að kaupa hlutabréf. Til dæmis er hægt að fjárfesta í hlutabréfum einstakra félaga og margskonar sjóðum í netbanka Landsbankans og í Landsbankaappinu á einfaldan hátt og fylgjast þar með þróun fjárfestingarinnar.
26. ágúst 2022

Fyrstu skrefin í verðbréfafjárfestingum

Áður en byrjað er að fjárfesta í verðbréfum er mikilvægt að hafa ákveðin lykilatriði á hreinu og vera meðvituð um áhættuna.
15. júní 2022

Hvað á að borga fyrir barnapössun?

Stundum þurfa foreldrar að skreppa eða geta ekki sótt börn á réttum tíma vegna vinnu eða náms. Sumarnámskeið eru líka yfirleitt styttri en vinnudagur. Því þarf stundum að redda pössun. En hvað á að borga á tímann fyrir barnapössun?
Vefkökur

Með því að smella á “Leyfa allar” samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur