Hvað þarf að hafa í huga við kaup á bíl?

Kaup á bíl þarfnast góðs undirbúnings enda er kostnaðarsamt að kaupa, reka bíl og halda honum við. Í þessari grein er fjallað stuttlega um nokkur atriði sem þarf að hafa í huga við bílakaup.
4. mars 2021 - Landsbankinn

Ef þú ert viss um að þú þurfir að kaupa bíl, þá er ágætt að byrja á að ákveða hvers konar bíll svarar þínum þörfum best. Verður hann notaður í innanbæjarsnatt eða í ferðalög um fjöll og firnindi? Á hann að henta einstaklingi eða stórri fjölskyldu?

Best er að spara fyrir kaupverðinu og þá eru ýmsar leiðir í boði. Þú getur t.d. skráð reglulegar millifærslur inn á þinn sparnaðarreikning eða notað netbankann til að skrá þig í mánaðarlega áskrift að sjóði.

Ef þú þarft að taka lán er mikilvægt að skoða þá mörgu valkosti sem eru í bílafjármögnun. Lántökugjald getur haft veruleg áhrif á heildargreiðslu láns og árlega hlutfallstölu kostnaðar. Til að reikna út mánaðarlegar afborganir af bílaláni má nota bílalánareiknivél sem lánafyrirtæki, þ.m.t. Landsbankinn, bjóða upp á. Það getur verið hagstæðara að velja lánaform með hærri vöxtum en án lántökugjalds.

Án lántökugjalds Með lántökugjaldi
Kaupverð 4.990.000 kr. 4.990.000 kr.
Innborgun 998.000 kr. 998.000 kr.
Lán 3.992.000 kr. 3.992.000 kr.
Lántökugjöld 0 kr. 99.800 kr.
Gjalddagar 48 48
Vextir 5,60% 4,50%
Árleg hlutfallstala kostnaðar 5,84% 6,01%
Heildargreiðsla 4.473.727 kr. 4.487.435 kr.

Hvar finn ég rétta bílinn?

Í gegnum bilasolur.is má komast inn á vefi helstu bíla‑ og vélasala, bílaumboða eða -innflytjenda landsins. Úrval notaðra bíla er mikið og er netið tilvalinn staður til að hefja leitina. Á bilasolur.is er hægt að leita í sameiginlegri söluskrá og finna gagnlegar upplýsingar.

Þess má geta að notaðir bílar eru í flestum tilvikum annað hvort í einkaeigu eða voru áður bílaleigubílar. Við mat á bílaleigubílum þarf m.a. að taka tilliti til þess að fleiri hafa ekið þeim en bílum í einkaeigu og þeir eru gjarnan mikið eknir miðað við aldur. Á hinn bóginn hefur þeim alla jafna verið ekið lengra í hvert skipti og þannig hafa ýmsir slitfletir (bremsur, gírbúnaður o.fl.) slitnað minna.

Hvers konar upplýsingum þarf ég að óska eftir?

Þegar þú hefur fundið ákjósanlegan bíl eru ýmis atriði sem þarf að athuga. Í fyrsta lagi skaltu biðja um allar upplýsingar um viðhalds- og þjónustusögu bílsins. Hversu mikið bílnum hefur verið ekið er lykilatriði, enda segir hann mikið um endingu og gæði. Óskaðu enn fremur eftir ítarlegum upplýsingum um tjón og viðgerðir af þeim sökum, eigi það við.

Er í lagi með bílinn?

Hjá skoðunarstöðvum er hægt að fá söluskoðun á bílinn. Þá eru mikilvægir slithlutir skoðaðir og metnir, til dæmis bremsur og undirvagn. Þannig má komast að því hvert ástand bílsins er og hvort dýrar viðgerðir séu yfirvofandi.

Eigendasaga, gjöld og veð

Einnig þarf að fá eigendasögu bílsins ef það á við, það er að segja skrá yfir alla fyrri eigendur. Kanna þarf áhvílandi gjöld og veð hjá eiganda bílsins, sem hefur aðgang að þeim í ökutækjaskrá. Bílnum þarf loks að fylgja vottorð sem sannar að seljandi sé eigandi þess ökutækis sem selt er eða hafi í það minnsta umboð til sölunnar.

Hvað kostar að reka og eiga bíl?

Á vef FÍB er hægt að sjá hvað kostar að reka og eiga bíl.

Þú gætir einnig haft áhuga á
15. júní 2022

Hvað á að borga fyrir barnapössun?

Stundum þurfa foreldrar að skreppa eða geta ekki sótt börn á réttum tíma vegna vinnu eða náms. Sumarnámskeið eru líka yfirleitt styttri en vinnudagur. Því þarf stundum að redda pössun. En hvað á að borga á tímann fyrir barnapössun?
10. júní 2022

Hafðu bankann í vasanum í sumarfríinu

Þú getur nýtt þér nánast alla þjónustu bankans í símanum og tölvunni. Í þessari grein er fjallað um nokkrar algengustu aðgerðirnar í appinu og netbankanum sem geta komið sér vel í sumarfríinu.
10. maí 2022

Fyrstu skrefin í verðbréfafjárfestingum

Áður en byrjað er að fjárfesta í verðbréfum er mikilvægt að hafa ákveðin lykilatriði á hreinu og vera meðvituð um áhættuna.
Evrópsk verslunargata
11. apríl 2022

Góð ráð um kortanotkun og greiðslur í útlöndum

Við mælum með að fólk greiði með snertilausum hætti þegar það er á ferðalagi erlendis, annað hvort með Apple Pay, kortaappinu eða með því að nota snertilausa virkni kreditkorta. Það er samt enn nauðsynlegt að taka kortin sjálf með í ferðalagið.
11. jan. 2022

Hvað þýða öll þessi fjármálaorð?

Áður en við förum að lesa okkur til um íbúðakaup eða mætum á fund með fjármálaráðgjafa getur verið gott að skoða hugtökin sem við munum lesa og heyra í samtalinu. Þannig getum við verið viss um að hafa þá undirstöðu sem við þurfum til að byggja skilning og taka raunverulega upplýstar ákvarðanir.
5. jan. 2022

Fimm leiðir til að setja sér fjárhagsleg markmið

Fjárhagsleg markmiðasetning er oft grunnurinn að því að önnur markmið geti orðið að veruleika. Hér á eftir fara nokkur ráð um hvernig gott er að bera sig að þegar þú setur þér fjárhagsleg markmið.
14. des. 2021

Valgreiðslur í netbankanum – hvaðan koma þær og til hvers eru þær?

Valgreiðslur (valkröfur) eru reikningar sem ekki þarf að greiða. Þær eru gjarnan stofnaðar af félagasamtökum eða stofnunum og oft í þeim tilgangi að afla styrkja til góðra málefna. Í appinu og netbankanum er hægt að fela valgreiðslur eða eyða þeim (og auðvitað greiða þær, ef vilji er til þess). Um þetta og aðra eiginleika valgreiðslna fjallar þessi grein.
14. okt. 2021

Þú getur byggt upp séreign með skyldulífeyrissparnaðinum

Í hugum margra er lítill munur á lífeyrissjóðum og þeirri þjónustu sem þeir bjóða upp á. Sú er þó ekki raunin og liggur munurinn m.a. í því að sumir lífeyrissjóðir bjóða fólki upp á þann kost að greiða hluta af skyldulífeyrissparnaði í séreign sem ella hefði runnið í samtryggingu. Séreignin erfist að fullu við fráfall sjóðsfélaga.
7. okt. 2021

Hvernig getur sparnaður stuðlað að sjálfbærara samfélagi?

Loftslagsbreytingar, góðir stjórnarhættir og ábyrg nýting auðlinda jarðar eru aðeins nokkur viðfangsefni sjálfbærni, enda snertir hún á flestu sem við tökum okkur fyrir hendur.
Verðbréfasíða í netbanka
5. okt. 2021

Þetta er gott að vita áður en þú kaupir hlutabréf

Áður en fjárfest er í hlutabréfum er mikilvægt að vera með lykilhugtök á hreinu, skilja ferlið og vera meðvituð um áhættuna sem fylgir.
Vefkökur

Með því að smella á “Leyfa allar” samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur