Stuðningur við samfélagið
Látum gott af okkur leiða
Við erum virkur þátttakandi í samfélaginu og tökum þátt í fjölbreyttum verkefnum sem stuðla að uppbyggingu og framþróun.
Stoltur bakhjarl
Við erum bakhjarl fjölbreyttra samfélagsverkefna sem stuðla að uppbyggingu og framþróun í samfélaginu. Fyrir tilstilli útibúa okkar víðs vegar um land styrkjum við einnig margvíslega verkefni í þeirra nærsamfélagi.
Knattspyrnusamband Íslands
Landsbankinn er bakhjarl Knattspyrnusambands Íslands. Ásamt fimm öðrum fyrirtækjum styrkir Landsbankinn uppbyggingarstarf íslenskrar knattspyrnu um land allt, öll yngri landslið og A-landslið karla og kvenna.
Hinsegin dagar
Við styðjum réttindabaráttu hinsegin fólks á Íslandi heilshugar og höfum verið stoltur bakhjarl Hinsegin daga í Reykjavík frá upphafi. Við stöndum m.a. að baki Gleðigöngupottsins, í samstarfi við Hinsegin daga.
Iceland Airwaves
Iceland Airwaves hefur frá upphafi verið mikilvæg viðbót við íslenskt menningarlíf og ómetanlegur vettvangur fyrir íslenska tónlist. Við erum því stolt af því að vera meðal styrktaraðila hátíðarinnar.
Skólahreysti
Við erum aðalbakhjarl Skólahreysti og leggjum keppninni lið af krafti. Markmið Skólahreysti er að hvetja börn til að taka þátt í alhliða íþróttaupplifun sem byggð er á grunnforsendum almennrar íþróttakennslu og þar sem keppendur vinna að mestu leyti með eigin líkama í þrautum.
Styrkjum góð málefni
Við veitum árlega náms- og samfélagsstyrki úr Samfélagssjóði Landsbankans. Ef verkefni falla ekki að skilgreiningu sjóðsins má ávallt senda inn almenna styrktarbeiðni.
Samfélagsstyrkir
Við veitum 15 milljónir króna í samfélagsstyrki á hverju ári. Styrkjunum er ætlað að styðja við verkefni á ýmsum sviðum, þar á meðal á sviði mannúðarmála, menningar og lista, menntunar, rannsókna og vísinda, forvarnar- og æskulýðsstarfs og umhverfismála og náttúruverndar.
Námsstyrkir
Á hverju ári veitum við námsstyrki til viðskiptavina sem eru í námi. Sérstök dómnefnd fer yfir allar umsóknir en nefndin er skipuð sérfræðingum úr skóla- og atvinnulífinu ásamt einum fulltrúa bankans. Úthlutun námsstyrkja fer öllu jafna fram í upphafi sumars.
Almennir styrkir
Senda má almenna styrktarbeiðni á netfangið styrkur@landsbankinn.is ef umsókn fellur ekki að skilgreiningu Samfélagssjóðsins. Við styðjum fjölbreytt verkefni með ýmsum hætti, m.a. með stuðningi útibúa við verkefni í nærsamfélagi og samstarfssamningum.
Frábært samstarf við hæfileikaríkt tónlistarfólk
Við lítum um öxl og skoðum þrjátíu myndbönd sem Landsbankinn og Iceland Airwaves hafa framleitt með ungu tónlistarfólki snemma á ferli þeirra.
„Margir héldu að Gunni og Felix væru pabbar mínir en ekki Baldur og Felix“
Álfrún Perla Baldursdóttir á tvo pabba og þátttaka í Gleðigöngunni er ómissandi fjölskylduhefð hjá þeim.
Komdu í hóp ánægðra viðskiptavina
Það tekur aðeins örfáar mínútur að fá aðgang að netbanka og appi, stofna reikning og fá kort.
