Samfélag og umhverfi
Vinnum saman að sjálfbærni
Við viljum stuðla að sjálfbærni og erum hreyfiafl í íslensku samfélagi. Við höfum markað okkur skýra og metnaðarfulla samfélagsstefnu.
Heimsmarkmiðin hluti af stefnunni
Við fylgjum þremur heimsmarkmiðum Sameinuðu þjóðanna um sjálfbæra þróun með markvissum hætti. Markmiðin tengjast öll starfsemi bankans og því getur vinnan að þeim hámarkað jákvæð áhrif bankans á umhverfi og samfélag.
Árs- og sjálfbærniskýrsla
Í árs- og sjálfbærniskýrslu okkar er fjallað um sjálfbærnivinnu okkar og áhrif bankans á umhverfi og samfélag. Við fylgjum viðmiðum Global Reporting Initiative, meginatriðum (GRI Standards, Core).
Leiðandi í Evrópu
Í UFS-áhættumati (e. ESG rating) frá Sustainalytics 2021 er Landsbankinn í 1. sæti af 423 bönkum sem fyrirtækið hefur mælt í Evrópu. Í matinu er skoðað hvernig bankinn vinnur að umhverfismálum, félagsþáttum og stjórnarháttum (UFS) í starfsemi sinni. Landsbankinn hafði áður fengið framúrskarandi einkunn í UFS-áhættumati Reitunar.
Jafnrétti í brennidepli
Við leggjum áherslu á launajafnrétti og jöfn starfstækifæri. Við viljum tryggja að karlar og konur hljóti jöfn laun fyrir jafn verðmæt störf og að hlutur hvors kyns í framkvæmdastjórn bankans verði aldrei minni en 40%. Bankinn er með jafnlaunavottun og er aðili að Jafnréttisvísi þar sem staða jafnréttismála innan bankans var metin með ítarlegri greiningu.
Ábyrgar fjárfestingar
Við höfum unnið markvisst að innleiðingu á stefnu um ábyrgar fjárfestingar undanfarin ár. Samþætting umhverfismála, félagslegra þátta og góðra stjórnarhátta við mat á fjárfestingarkostum hefur jákvæð áhrif á ávöxtun fjárfestinga til lengri tíma og dregur úr rekstraráhættu. Landsbankinn er stofnaðili að IcelandSIF. Hann er einnig aðili að meginreglum Sameinuðu þjóðanna um ábyrgar fjárfestingar (UN PRI) og ábyrga bankastarfsemi (UN PRB), auk UN Global Compact.
Umhverfismál
Ítarlegar upplýsingar um umhverfismálog kolefnisspor bankans eru birtar árlega í árs- og sjálfbærniskýrslunni.
Sjálfbær fjármögnun fyrirtækja
Þegar fyrirtæki sækir um lán hjá okkur getur það óskað eftir því að það hljóti sjálfbærnimerki bankans. Til að hljóta sjálfbærnimerki Landsbankans þarf verkefnið sem fjármagnað er að uppfylla skilyrði og falla undir einn af þeim 11 verkefnaflokkum sem tilgreindir eru í sjálfbærri fjármálaumgjörð okkar.
Við þekkjum okkar kolefnisspor
Við höfum nú í fyrsta sinn metið kolefnislosun í lánasafni okkar með PCAF – loftslagsmælinum. Þetta er stórt skref því helsta áskorun banka í loftslagsmálum hefur verið að áætla óbein umhverfisáhrif sín í gegnum lánasafnið.
Starfsemin kolefnisjöfnuð
Við höfum kolefnisjafnað hefðbundna starfsemi bankans fyrir árið 2020 og hlotið hina alþjóðlega viðurkenndu CarbonNeutral® vottun. Í samstarfi við Natural Capital Partners höfum við kolefnisjafnað starfsemina með bindingu eða minnkun á losun gróðurhúsalofttegunda. Sú binding er vottuð samkvæmt ströngustu alþjóðlegu stöðlum og hefur þegar átt sér stað.
Sjálfbær fjármálaumgjörð
Við höfum gefið út sjálfbæra fjármálaumgjörð (e. sustainable finance framework) sem eykur möguleika okkar á að fjármagna umhverfisvæn og félagsleg verkefni, s.s. orkuskipti, umhverfisvæna innviði og sjálfbæran sjávarútveg. Umgjörðin er vottuð af alþjóðlega matsfyrirtækinu Sustainalytics.
Fyrirmyndarfyrirtæki í góðum stjórnarháttum
Við ætlum að vera til fyrirmyndar í stjórnarháttum og fylgja leiðbeinandi reglum Kauphallarinnar, Viðskiptaráðs og Samtaka atvinnulífsins þar um. Landsbankinn hefur verið fyrirmyndarfyrirtæki í góðum stjórnarháttum frá 2014 en viðurkenningin byggir á úttekt á stjórnarháttum bankans.
Á undanförnum misserum hefur bankinn marvisst byggt upp sérfræðiþekkingu á grænum skuldabréfum.
Alþjóðlega eignastýringarfyrirtækið LGT Capital Partners hefur þróað aðferð til að meta fyrirtæki út frá samfélagsábyrgð.
Tilgangurinn með fyrirhugaðri útgáfu Lánasjóðs sveitarfélaga á grænum skuldabréfum er að fjármagna verkefni sveitarfélaga sem stuðla að umhverfisvernd.
Með Parísarsamkomulaginu frá 2015 samþykktu ríki heims að draga úr losun gróðurhúsalofttegunda til að tryggja að hlýnun héldist innan við 2°C og helst innan við 1,5°C.
Eitt viðamesta verkefni sem bankar og fjármálafyrirtæki standa frammi fyrir í samhengi samfélagsábyrgðar sé að meta og greina frá loftslagsáhrifum í gegnum lána- og eignasöfn sín.
Þórey Vilhjálmsdóttir, ráðgjafi hjá Capacent, fjallar um Jafnréttisvísinn og hvernig fyrirtæki geta náð raunverulegum árangri í jafnréttismálum með beitingu hans.
Komdu í hóp ánægðra viðskiptavina
Það tekur aðeins örfáar mínútur að fá aðgang að netbanka og appi, stofna reikning og fá kort.
