Fréttir

13. júní 2019 15:04

Breytingar á verðskrá Landsbankans 13. ágúst nk.

Nokkrar breytingar verða gerðar á verðskrá Landsbankans frá og með 13. ágúst nk. Gjald fyrir úttekt með debetkorti í hraðbanka eða banka erlendis lækkar úr 2,0% í 1,0% en lagt verður á 800 kr. lágmarksgjald vegna úttektar. Gjald fyrir greiðslu með debetkorti hjá þjónustu- eða söluaðila erlendis var 1% en verður fellt niður.

Lágmarkslántökugjald vegna bíla- og tækjafjármögnunar mun hækka úr 10.000 kr. í 15.000 kr. Þá verður lagt á 15.000 kr. gjald vegna skjalagerðar til öflunar heimildar til að flytja tímabundið úr landi bíl sem á hvílir bílalán eða var keyptur með bílasamningi.

Álagi vegna innleystra skuldbindinga vegna vanskila við þriðja aðila verður breytt með eftirfarandi hætti:

  • Lágmarksgjald vegna stöðumælasektar  var 2.800 kr. en mun lækka í 1.500 kr.
  • Lágmarksgjald vegna bifreiðagjalda, þungaskatts, tryggingaiðgjalda og vanrækslugjalda er nú 2.800 kr. en verður 3.000 kr.

 

03. júlí 2020 10:53

Hagsjá: Mánaðaryfirlit yfir gjaldeyrismarkaðinn

Krónan veiktist um 2,8% gagnvart evrunni og 1,7% gagnvart Bandaríkjadal í júní. Velta á gjaldeyrismarkaði nam 42,2 mö.kr. (276 m.evra) í júní.


Nánar

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

Skráðu þig á póstlista