Í appinu getur þú átt viðskipti með innlend hlutabréf og keypt eða selt í sjóðum hvar og hvenær sem er. Þú getur líka stofnað áskrift að sjóðum og færð skýrt yfirlit yfir verðbréfaeign þína og viðskiptasögu.
Með því að spara í sjóðum dreifir þú áhættunni og eykur möguleikana á að ná góðri ávöxtun. Ef þú stofnar mánaðarlega áskrift að sjóðum greiðir þú ekkert gjald við kaup og greiðir lægra afgreiðslugjald. Þú getur selt í sjóðum hvenær sem er.
Það er fljótlegt og einfalt að kaupa og selja hlutabréf á aðalmarkaði Kauphallarinnar eða á First North markaðinum. Þú getur sent tilboð á því gengi sem þú óskar eftir eða á markaðsgengi.
Þú færð skýrt yfirlit yfir eignasafnið þitt, árangur þess og samsetningu. Þú getur líka skoðað virði safnsins í öðrum gjaldmiðlum en íslenskri krónu.
Þú getur skoðað viðskiptasögu þína, leitað að færslum eftir tegund viðskipta, verðbréfi eða tímabili og sótt kvittanir fyrir viðskiptum.
Það eina sem þú þarft að gera til að eiga í verðbréfaviðskiptum hjá okkur er að undirrita þjónustusamning með rafrænum skilríkjum og svara örfáum spurningum. Svo getur þú strax byrjað að kaupa og selja.
Viðskipti með hlutabréf og sjóði eru áhættusöm og ávöxtun í fortíð gefur ekki áreiðanlega vísbendingu um ávöxtun í framtíð. Því hvetjum við þig til að leita ráðgjafar og kynna þér upplýsingar um áhættuþætti, kostnað, þóknanir og annað slíkt áður en tekin er ákvörðun um fjárfestingu.
Áður en fjárfest er í hlutabréfum er mikilvægt að vera með lykilhugtök á hreinu, skilja ferlið og vera meðvituð um áhættuna sem fylgir.
Markmið eignadreifingarsjóða er að ná ávöxtun og dreifa áhættu með virkri stýringu á fjárfestingum í íslenskum og erlendum fjármálagerningum.
Landsbankinn hélt fræðslufund um mikilvægi eignadreifingar þann 15. september 2021 í Silfurbergi Hörpu.
Með því að smella á “Leyfa allar” samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.
