Leit­in að ávöxt­un

Þar sem vextir á Íslandi eru nú lágir þarf fólk sem vill spara, eða hefur nú þegar komið sér upp sparnaði, að hugsa betur um hvernig það getur fengið góða ávöxtun. Þá er eðlilegt að spyrja hvaða sparnaðarleiðir henti til að fá sem besta vexti en takmarka um leið áhættuna.
Fjölskylda að útbúa mat
17. febrúar 2021

Vaxtalækkanir undanfarið hafa leitt til þess að áhugi almennings á verðbréfaviðskiptum, fjárfestingum í sjóðum og á verðbréfamörkuðum almennt, hefur aukist. Hér er fjallað um nokkrar leiðir til að ávaxta sparifé með öðrum hætti en því að leggja peninga inn á hefðbundna innlánsreikninga.

Eignadreifing dregur úr áhættu

Fjárfestingar í verðbréfum og verðbréfasjóðum fela alltaf í sér einhverja áhættu. Til að lágmarka áhættu er mælt með því að dreifa eignum og setja ekki öll eggin í sömu körfuna. Eignadreifing sannaði gildi sitt svo sannarlega á árinu 2020 sem einkenndist af mikilli og óvæntri óvissu sem birtist í töluverðum sveiflum á helstu eignamörkuðum.

Láttu sérfræðinga aðstoða þig

Ætlir þú að sjá sjálf um að velja réttu verðbréfin þarft þú að fylgjast vel með, en að vakta eignamarkaði og stýra fjárfestingum getur verið mjög tímafrekt. Þróunin hefur verið sú að einstaklingar hafa í auknum mæli keypt í sjóðum. Hjá sjóðunum sjá sérfræðingar um að stýra fjármununum, eftir fyrirfram skilgreindri fjárfestingarstefnu, með hagsmuni sjóðfélaga að leiðarljósi.

Úrvalið af sjóðum er mjög mikið. Það er t.d. hægt að kaupa í skuldabréfasjóðum eða hlutabréfasjóðum en einnig í blönduðum sjóðum. Fjárfesting í sjóðum er almennt skattalega hagkvæm þar sem fjármagnstekjuskattur er ekki greiddur fyrr en inneignin er tekin úr sjóðnum.

Áskrift getur borgað sig

Það getur borgað sig að vera í áskrift að sjóðum, frekar en að kaupa bara af og til. Með mánaðarlegri áskrift í sjóðum greiðir þú ekkert gjald við kaup og greiðir lægra afgreiðslugjald. Hjá sjóðunum er hagnaður af einni fjárfestingu jafnaður út á móti tapi af annarri og þú greiðir því aðeins fjármagnstekjuskatt af heildarávöxtun upphæðarinnar sem þú lagðir í sjóðinn. Síðast en ekki síst er einfalt að byggja upp sparnað með reglulegum sparnaði í sjóði.

Mikilvægt að fá góða ráðgjöf

Það getur borgað sig að leita ráðgjafar þegar horft er fram á veginn og framtíðin skipulögð. Það er mikilvægt að gefa sér tíma og skoða vel þær leiðir sem eru í boði. Einnig er æskilegt að ráðgjöfin sem veitt er sé sérsniðin að þínum markmiðum, hversu mikla áhættu þú ert tilbúin að taka og hversu lengi þú ætlar að binda spariféð. Við erum til staðar til að fara með þér yfir þær sparnaðarleiðir sem í boði eru.

Hrefna Ösp Sigfinnsdóttir er framkvæmdastjóri Eignastýringar og miðlunar hjá Landsbankanum

Almennur fyrirvari vegna fjárfestinga í sjóðum

Áhætta fylgir ávallt fjárfestingu í sjóðum þar sem gengi þeirra getur bæði hækkað og lækkað, t.d. vegna verðbreytinga á eignum sjóðanna og vegna gengisflökts gjaldmiðla þegar eignir sjóða eru í erlendum gjaldmiðlum. Þá er vakin athygli á því að skattameðferð ræðst af aðstæðum hvers viðskiptavinar fyrir sig og getur tekið breytingum í framtíðinni.

Landsbankinn hf. er söluaðili sjóða í rekstri Landsbréfa hf., rekstrarfélagi með starfsleyfi á Íslandi sem heyrir undir eftirlit Fjármálaeftirlits Seðlabanka Íslands. Áður en þú tekur ákvörðun um fjárfestingu í sjóði þá hvetjum við þig til að kynna þér útboðslýsingu, lykilupplýsingar, upplýsingablað og skjalið skattamál sem finna má undir hverjum sjóði á vefsíðunni landsbankinn.is/sjodir.

Einnig getur þú kynnt þér skilmála Landsbankans hf., útdrátt um hagsmunaárekstra og áhættulýsingu vegna viðskipta með fjármálagerninga sem finna má á vefsíðunni landsbankinn.is/bankinn/um-bankann/reglur-og-skilmalar.

Þú gætir einnig haft áhuga á
Íbúðahús
9. nóv. 2022

Hvernig virka verðtryggð lán?

Verðtryggð lán eru bundin við vísitölu neysluverðs sem er notuð til að mæla verðbólgu. Það þýðir að höfuðstóll lánsins hækkar í takt við verðbólguna hverju sinni. Ef verðbólga er mikil getur hækkunin verið umtalsverð og haft þau áhrif að greiðslubyrði verðtryggðra lána hækkar þegar líður á lánstímann.
2. nóv. 2022

Hvernig er hægt að ávaxta sparnað í verðbólgu?

Þegar verðbólga er há getur verið snúið að ávaxta sparnað til skemmri tíma. Ef ávaxta á sparnaðinn til lengri tíma eru fleiri möguleikar í stöðunni.
20. okt. 2022

Þú getur byggt upp séreign með skyldulífeyrissparnaðinum

Í hugum margra er lítill munur á lífeyrissjóðum og þeirri þjónustu sem þeir bjóða upp á. Sú er þó ekki raunin og liggur munurinn m.a. í því að sumir lífeyrissjóðir bjóða fólki upp á þann kost að greiða hluta af skyldulífeyrissparnaði í séreign sem ella hefði runnið í samtryggingu. Séreignin erfist að fullu við fráfall sjóðsfélaga.
11. okt. 2022

Hvaða áhrif hafa vaxtahækkanir á lánin mín?

Hærri stýrivextir leiða til þess að vextir og mánaðarleg greiðslubyrði á lánum sem eru með breytilega vexti hækka. Þetta á meðal annars við um neytendalán á borð við yfirdrátt og greiðsludreifingu á kreditkortum en mestu munar þó yfirleitt um íbúðalánin.
Fasteignir
2. sept. 2022

Ætti ég að festa vextina á íbúðaláninu mínu?

Seðlabankinn hefur á árinu 2022 hækkað stýrivexti, úr 2% í 5,5% en lægstir voru stýrivextir 0,75% á árinu 2021. Þegar vextir byrjuðu að hækka varð algengara að fólk festi vextina, í 3 eða 5 ár. Í þessari grein er fjallað um muninn á föstum og breytilegum vöxtum og hvað þarf að hafa í huga þegar ákvörðun um lánsform er tekin.
26. ágúst 2022

Kaup í sjóðum getur verið einfaldasta leiðin til að dreifa áhættunni

Sjóðir eru í stuttu máli safn margra fjárfestinga og er ætlað að einfalda fólki dreifingu eigna til að draga úr áhættu og sveiflum. Margar tegundir sjóða eru í boði og fylgja þeir ólíkum markmiðum. Sumir sjóðir stefna til dæmis að því að lágmarka áhættu eða sérhæfa sig í tilteknum atvinnugreinum eða hugmyndafræði, s.s. sjálfbærni.
26. ágúst 2022

Hvernig kaupi ég hlutabréf?

Það er mjög einfalt að kaupa hlutabréf. Til dæmis er hægt að fjárfesta í hlutabréfum einstakra félaga og margskonar sjóðum í netbanka Landsbankans og í Landsbankaappinu á einfaldan hátt og fylgjast þar með þróun fjárfestingarinnar.
26. ágúst 2022

Fyrstu skrefin í verðbréfafjárfestingum

Áður en byrjað er að fjárfesta í verðbréfum er mikilvægt að hafa ákveðin lykilatriði á hreinu og vera meðvituð um áhættuna.
15. júní 2022

Hvað á að borga fyrir barnapössun?

Stundum þurfa foreldrar að skreppa eða geta ekki sótt börn á réttum tíma vegna vinnu eða náms. Sumarnámskeið eru líka yfirleitt styttri en vinnudagur. Því þarf stundum að redda pössun. En hvað á að borga á tímann fyrir barnapössun?
10. júní 2022

Hafðu bankann í vasanum í sumarfríinu

Þú getur nýtt þér nánast alla þjónustu bankans í símanum og tölvunni. Í þessari grein er fjallað um nokkrar algengustu aðgerðirnar í appinu og netbankanum sem geta komið sér vel í sumarfríinu.
Vefkökur

Með því að smella á “Leyfa allar” samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur