Við vinnum persónuupplýsingar til að veita persónubundna ráðgjöf og þjónustu

Landsbankinn leggur ríka áherslu á að vernda persónuupplýsingar einstaklinga og virða réttindi þeirra. Persónuvernd og trúnaður um persónuupplýsingar viðskiptavina hefur ávallt verið lykilatriði í starfsemi bankans.

Bankinn hefur aðlagað starfsemi sína að auknum kröfum nýrra persónuverndarlaga. Í almennri persónuverndarstefnu bankans  eru ítarlegar upplýsingar um það hvenær, hvernig og í hvaða tilgangi bankinn vinnur persónuupplýsingar auk þess sem fram kemur hvernig bankinn safnar upplýsingum, tryggir öryggi þeirra og hverjum þær eru afhentar. Bankinn hefur einnig uppfært almenna viðskiptaskilmála bankans.

Landsbankinn stuðlar að því að vinnsla persónuupplýsinga sé í samræmi við gildandi lög og reglur um persónuvernd og friðhelgi einkalífs m.a. með því að:

• Setja reglur um vinnslu og meðferð persónuupplýsinga í starfseminni
• Tilnefna persónuverndarfulltrúa sem hefur eftirlit með því að farið sé að persónuverndarlögum í starfsemi bankans
• Skjalfesta verklag um vinnslu persónuupplýsinga í samræmi við persónuverndarlög
• Veita starfsfólki ítarlega fræðslu og leiðbeiningar í samræmi við gildandi persónuverndarlög

Evrópureglugerð um persónuvernd