Akureyrarvaka

Akureyrarvaka er árleg bæjarhátíð. Landsbankinn er bakhjarl Akureyrarvöku og styrkir marga viðburði á hátíðinni.

Akureyrarvaka 2014

Akureyrarvaka er árleg bæjarhátíð og er haldin í tengslum við afmæli Akureyrarbæjar, 29. ágúst. Árið 2014 bar hátíðina upp á dagana 29.-31. ágúst. 

Landsbankinn hefur verið bakhjarl Akureyrarvöku um árabil.

Þema Akureyrarvöku 2014 var AL-menning fyrir almenning þar sem enn meiri áhersla var lögð á að fá íbúa til að taka þátt og njóta. Vísindasetrið, Draugaslóðin í Innbænum, Rökkurró, líflegt Listagil og tónlist spiluðu stórt hlutverk ásamt mörgum öðrum viðburðum.

Dagskrá Akureyrarvöku 2014

Landsbankinn styrkir níu verkefni

Fulltrúar þeirra verkefna sem hlutu styrk frá Landsbankanum vegna Akureyrarvöku 2014

 

Hluti af stuðningi Landsbankans við hátíðina felst í úthlutun styrkja til verkefna og viðburða á Akureyrarvöku. Í ár var níu styrkjum úthlutað, samtals að fjárhæð 400.000 krónur.

Markmiðið með styrkjunum er að veita hóflega styrki til einstaklinga og hópa sem munu skipuleggja fjölbreytta og áhugaverða viðburði á Akureyrarvöku. Fjárstuðningur Landsbankans vegna Akureyrarvöku rennur því beint til listamanna og hópa sem koma fram á Akureyrarvöku. Styrkirnir voru veittir í fyrsta skipti í ágúst 2014. Í úthlutunarnefnd sátu fulltrúar frá Akureyrarstofu og Landsbankanum.

Akureyrarvaka 2014 – styrkþegar

  • Axel Flóvent og Rakel Sigurðardóttir – Tónlistarflutningur á viðburðinum Horfðu til himins.
  • Blues Brothers – Tónleikar á karnivalinu í Gilinu.
  • Brynjar Jóhannesson og Drífa Thoroddsen – Vegfarendur geta pantað sér ljóð í göngugötunni.
  • Eva Reykjalín – Zumba-námskeið á Ráðhústorgi.
  • Kristján Atli Baldursson – Ljósmyndasýningin Fallegi bærinn minn.
  • Sjálfsprottin spévísi – Tónleikar á þakinu á Kaffi Amor.
  • Skapandi sumarstörf – Ungmenni koma fram sem þekktar persónur úr sögu Akureyrar.
  • Ungmennalistahópurinn Kaþarsis – Samsýningin Fortíð, nútíð, framtíð.
  • Þorgils Gíslason – Tónlist The Doors og ljóð Jims Morrisons í nýrri íslenskri þýðingu.