Fréttir

- Samfélagsmál

Firnasterkt Friðriksmót Landsbankans í skák

Friðriksmótið 2014
Það var fjölmennt og spennandi keppni á Friðriksmótinu í skák í fyrra.

Friðriksmót Landsbankans – Íslandsmótið í hraðskák – fer fram laugardaginn 12. desember  í útibúi Landsbankans við Austurstræti 11. Þetta er tólfta árið í röð sem Landsbankinn og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. Mótið hefst kl. 13 og stendur til kl. 16.30 og eru áhorfendur sérstaklega boðnir velkomnir til að fylgjast með skákmeisturunum að tafli.

Gera má ráð fyrir að flestir sterkustu skákmenn landsins taki þátt og efsti keppandi mótsins fær titilinn Íslandsmeistari í hraðskák. Um 100 keppendur taka þátt. Þar á meðal eru okkar sterkustu skákmenn, skákkonur og efnilegustu skákungmenni landsins.

Meðal skráða keppenda á mótinu eru stórmeistararnir Jóhann Hjartarson, Hannes Hlífar Stefánsson, Stefán Kristjánsson og Þröstur Þórhallsson og landsliðsliðskonurnar Lenka Ptácníková og Veronika Steinunn Magnúsdóttir.

Tefldar eru 11 umferðir og er einni skák hverrar umferðar varpað upp á risaskjá í útibúinu auk þess sem boðið verður upp á kaffi og smákökur.

Samfélagsmál - 19. júní 2020 11:17

„Takk fyrir að vera til fyrirmyndar“ í útibúum Landsbankans

Þann 17. júní fengu landsmenn bréf með yfirskriftinni „Takk fyrir að vera til fyrirmyndar“ sent í aldreifingu með Morgunblaðinu. Fleiri eintök er m.a. hægt að nálgast í útibúum Landsbankans um allt land.


Nánar

Samfélagsmál - 02. júní 2020 11:17

Lindaskóli varði titilinn í Skólahreysti

Lindaskóli í Kópavogi sigraði Skólahreysti 2020 og vann þar með keppnina annað árið í röð. Úrslitakeppnin fór fram í Laugardalshöll laugardaginn 30. maí og var æsispennandi allt til enda.


Nánar