Fréttir

- Samfélagsmál

Mannúðarsamtök fá styrki fyrir jólin

Við afhendingu styrkjanna í morgun. Frá vinstri: Jensína K. Böðvarsdóttir framkvæmdastjóri Þróunar og mannauðs hjá Landsbankanum, Bjarni Gíslason framkvæmdastjóri Hjálparstarfs kirkjunnar, Bergsteinn Jónsson framkvæmdastjóri UNICEF á Íslandi, Ragnhildur G. Guðmundsdóttir formaður Mæðrastyrksnefndar, Helga G. Halldórsdóttir fjáröflunarfulltrúi Rauða krossins, Hildur Björk Hilmarsdóttir sviðsstjóri samskiptasviðs Rauða krossins og Steinþór Pálsson bankastjóri Landsbankans.

Landsbankinn hefur úthlutað fjórum milljónum króna til fjögurra félagasamtaka sem vinna mikilvægt og óeigingjarnt starf fyrir samfélagið fyrir jólin. Mæðrastyrksnefnd, Hjálparstarf kirkjunnar og Rauði krossinn á Íslandi fengu hver um sig eina milljón króna til að sinna aðstoð innanlands og UNICEF á Íslandi fékk eina milljón króna til neyðarhjálpar gegn ebólufaraldrinum í ríkjum Vestur-Afríku.

Mæðrastyrksnefnd nýtir fjárstuðning sinn til að fjármagna matarúthlutun og gjafir fyrir jólin og aðstoðar með því fjölda fjölskyldna. Hjálparstarf kirkjunnar færir skjólstæðingum sínum um land allt innkaupakort og Rauði krossinn sinnir innanlandsaðstoð við efnalitlar fjölskyldur um land allt. Hópur starfsfólks Landsbankans mun aðstoða Mæðrastyrksnefnd á næstu dögum við að deila út stuðningi til skjólstæðinga en stefna bankans er að starfsmenn taki þátt í völdum samfélagsverkefnum með sjálfboðastarfi.

Samfélagsmál - 15. október 2019 10:30

Landsbankinn + Iceland Airwaves kynna: Tómas Welding

Landsbankinn hitar upp fyrir Iceland Airwaves með því að birta ný myndbönd og viðtöl við ungt tónlistarfólk á Iceland Airwaves-vef bankans. Nú er komið að síðasta myndbandinu sem er með söngvaranum Tómasi Welding.


Nánar

Samfélagsmál - 23. september 2019 14:09

Landsbankinn skrifar undir ný viðmið SÞ um ábyrga bankastarfsemi

Lilja Björk Einarsdóttir, bankastjóri Landsbankans, skrifaði undir ný viðmið um ábyrga bankastarfsemi í höfuðstöðvum Sameinuðu þjóðanna í New York 22. september. Þetta er viðamesta samstarfsverkefni alþjóðlega bankakerfisins og Sameinuðu þjóðanna hingað til.


Nánar