Fréttir

- Samfélagsmál

Landsbankafólk hreinsaði fjörur

Starfsfólk Landsbankans í Reykjanesbæ lét gott af sér leiða með sjálfboðavinnu í tengslum við Ljósanótt. Hópurinn gekk til liðs við Tómas Knútsson og Bláa herinn og hreinsaði fjörur á Fitjum nú í vikunni. Markmiðið var að fegra Reykjanesbæ og aðkomu að bænum fyrir Ljósanótt.

Alls mættu um 25 sjálfboðaliðar, starfsfólk, makar og börn, í fjöruna og lögðust á eitt í þetta mikilvæga verkefni. Einar Hannesson, útibússtjóri Landsbankans í Reykjanesbæ, kveðst afar ánægður með verkefnið: „Landsbankinn hefur verið aðalstyrktaraðili Ljósanætur síðustu ár og nú þótti okkur upplagt að bretta upp ermar og fegra umhverfið okkar. Við höfum fylgst vel með frábæru framtaki Bláa hersins við að hreinsa strendurnar og okkur þótti verkefnið því alveg kjörið. Við vonumst til að enn fleiri fyrirtæki á Suðurnesjum fylgi í kjölfarið og styðji við frábært hreinsunar- og sjálfboðaliðastarf Bláa hersins.”

Nánar um Ljósanótt

 

Hafa hreinsað yfir 1000 tonn af drasli

Blái herinn hefur frá árinu 1995 skipulagt og framkvæmt yfir 80 hreinsunarverkefni í nokkrum sveitarfélögum á landinu. Sjálfboðaliðar hafa hreinsað yfir eitt þúsund tonn af alls kyns rusli og drasli úr umhverfinu, aðallega sjávarströndinni, opnum svæðum og höfnum landsins. Fólk á vegum Bláa hersins hefur einnig heimsótt leikskóla, grunnskóla og fjölbrautarskóla og haldið fyrirlestra og sýnt sjávardýr til fróðleiks fyrir yngstu kynslóðina.

Nánar um Bláa herinn

 

Samfélagsmál - 15. október 2019 10:30

Landsbankinn + Iceland Airwaves kynna: Tómas Welding

Landsbankinn hitar upp fyrir Iceland Airwaves með því að birta ný myndbönd og viðtöl við ungt tónlistarfólk á Iceland Airwaves-vef bankans. Nú er komið að síðasta myndbandinu sem er með söngvaranum Tómasi Welding.


Nánar

Samfélagsmál - 23. september 2019 14:09

Landsbankinn skrifar undir ný viðmið SÞ um ábyrga bankastarfsemi

Lilja Björk Einarsdóttir, bankastjóri Landsbankans, skrifaði undir ný viðmið um ábyrga bankastarfsemi í höfuðstöðvum Sameinuðu þjóðanna í New York 22. september. Þetta er viðamesta samstarfsverkefni alþjóðlega bankakerfisins og Sameinuðu þjóðanna hingað til.


Nánar

Fréttasafn