Fréttir

- Samfélagsmál

Landsbankinn bakhjarl Brúarhlaupsins á Selfossi

Brúarhlaup Selfoss fer fram laugardaginn 9. ágúst en líkt og fyrri ár er Landsbankinn aðalstyrktaraðili hlaupsins. Töluverðar breytingar hafa verið gerðar á fyrirkomulagi hlaupsins, dagsetningu hlaupsins verið breytt, vegalengdum verið fækkað og hlaupaleiðir verið færðar inn í Selfossbæ í fallegt umhverfi og á göngustígakerfi bæjarins. Keppt verður í 2,8 km, 5 km og 10 km en einnig er keppt í 5 km hjólreiðum. Allar hlaupaleiðir eru löggiltar og mældar upp af viðurkenndum aðila. Tímataka er í öllum vegalengdum, bæði í hlaupi og hjólreiðum.

Hlauparar í 10 km hlaupi verðar ræstir á Ölfusárbrú kl. 11.30. Hlauparar í 5 km hlaupi kl. 11.45 og hjólreiðamenn í 5 km hjólreiðum kl. 11.00 verða ræstir undir/við Ölfusárbrú og keppendur í 2,8 km skemmtiskokki verða ræstir í miðbæjargarði Selfoss kl. 11.45. Allir þátttakendur koma í mark í miðbæjargarði Selfoss. Þátttökugjald er frá 700 - 3.500 kr. eftir vegalengd og aldri.

Hægt er að skrá sig í hlaupið á vefnum hlaup.is og í Landsbankanum á Selfossi en einnig er hægt að skrá sig á hlaupadag í útibúinu. Afhending keppnisgagna er á hlaupadag, 9. ágúst í Landsbankanum á Selfossi frá kl. 9.00.

Hlaupaleiðir
Hlaupaleiðirnar.
Brúarhlaup 2014
Smellið á myndina til að stækka.

Samfélagsmál - 15. október 2019 10:30

Landsbankinn + Iceland Airwaves kynna: Tómas Welding

Landsbankinn hitar upp fyrir Iceland Airwaves með því að birta ný myndbönd og viðtöl við ungt tónlistarfólk á Iceland Airwaves-vef bankans. Nú er komið að síðasta myndbandinu sem er með söngvaranum Tómasi Welding.


Nánar

Samfélagsmál - 23. september 2019 14:09

Landsbankinn skrifar undir ný viðmið SÞ um ábyrga bankastarfsemi

Lilja Björk Einarsdóttir, bankastjóri Landsbankans, skrifaði undir ný viðmið um ábyrga bankastarfsemi í höfuðstöðvum Sameinuðu þjóðanna í New York 22. september. Þetta er viðamesta samstarfsverkefni alþjóðlega bankakerfisins og Sameinuðu þjóðanna hingað til.


Nánar

Fréttasafn