Húsfélagaþjónusta

Húsfélagaþjónusta Landsbankans er þægileg greiðslu- og innheimtuþjónusta sem sparar bæði tíma og peninga. Umsýsla við fjármálin verður einfaldari.

Öruggara og þægilegra

Með húsfélagaþjónustu Landsbankans verða fjármál húsfélagsins öruggari og þægilegri, bókhaldið einfaldara og í góð yfirsýn fæst yfir stöðuna í netbanka fyrirtækja. Þjónusta við húsfélög er veitt í útibúum bankans.

Markvissari innheimta:

  • Með húsfélagaþjónustu Landsbankans verður innheimta húsfélagsgjalda markvissari og öruggari.
  • Bankinn sendir út greiðsluseðla til greiðenda húsfélagsgjalda og má greiða þá í hvaða banka og sparisjóði sem er.
  • Ef tafir verða á greiðslum getur bankinn reiknað dráttarvexti og vanskilakostnað. 
  • Bankinn sendir út ítrekun vegna vanskila sé þess óskað. Ef innheimtutilraunir bankans eru árangurslausar getur gjaldkeri húsfélagsins óskað eftir því að krafan sé send lögmanni til innheimtu.
  • Auk fastra húsfélagsgjalda er hægt að innheimta tilfallandi gjöld, t.d. vegna óvæntra útgjalda húsfélagsins.
  • Þjónusta húsfélagaþjónustu Landsbankans er sveigjanleg og hún er löguð að þörfum hvers félags fyrir sig.

Húsfélagaþjónustan gerir kleift að tryggja betur:

  • Að heimtur húsfélagagjalda séu góðar.
  • Að reikningar séu greiddir á réttum tíma.
  • Að gjaldkeri félagsins hafi ávallt upplýsingar um stöðu hússjóðsins.

Þjónustan felur m.a. í sér:

  • Greiðsluþjónustu.
  • Innheimtuþjónustu.
  • Hagkvæm framkvæmdalán.
  • Árlegt rekstraruppgjör.

Dæmi um innheimtuþjónustu:

  • Hægt er að innheimta sparnað og ráðstafa á sparireikning.
  • Hægt er að sundurliða greiðslur á greiðsluseðlinum í allt að tíu þætti, t.d. rafmagn, hita, tryggingar o.s.frv.
  • Greiðslum er skipt eftir eignarhluta hvers greiðanda eða jafnt eftir því sem við á.
  • Hægt er að láta gjöldin fylgja vísitölu, t.d. vegna innheimtu á húsaleigu.
  • Mögulegt er að skipta gjöldum á milli tveggja aðila, t.d. þannig að eigandi greiði viðhaldskostnað en leigjandi rekstrarkostnað í húsfélagi.

Hagstæð framkvæmdalán til viðhaldsverkefna:

  • Ef húsfélagið er að fara út í framkvæmdir, hvort sem um er að ræða stærri eða minni framkvæmdir, býður bankinn hagkvæm lán til lengri eða skemmri tíma.
  • Húsfélagaþjónustan er örugg og þægileg greiðslu- og innheimtuþjónusta sem sparar bæði tíma og peninga.
  • Kostnaður við þjónustuna fer eftir umfangi og stærð húsfélagsins.