Fréttir

15. apríl 2015 08:54

Endurnýjun á skilríki undir b2bws.fbl.is

Fyrir liggur að nauðsynlegt er að endurnýja SSL(HTTPS)-skírteini á síðunni b2bws.fbl.is sem Landsbankinn er með. Vegna þróunar í öryggisstöðlum mun nýtt skírteini gera meiri kröfur til þeirra tölva/forrita viðskiptavina (clienta) sem þurfa að tengjast þessari slóð hjá Landsbankanum. Helsta breytingin er sú að SHA-1 staðallinn mun ekki vera studdur á nýju skilríki, einungis SHA-2.

Þetta er gert vegna veikleika í SHA-1 staðlinum og má meðal annars nefna að Chrome-vafrinn mun fljótlega hætta að samþykkja SHA-1 skilríki sem “löglegt” skilríki – og þegar viðskiptavinur tengist síðu sem notar SHA-1 skilríki, þá mun ekki koma upp “lásinn” sem notandinn er vanur að sjá þegar tengst er síðum með HTTPS (SSL). Lesa má meira um þetta í grein frá Google.

Þessu skilríki verður skipt út hjá Landsbankanum mánudaginn 27. apríl og þá þurfa allir viðskiptavinir að vera búnir að tryggja að þær tölvur/forrit sem tengjast slóðinni b2bws.fbl.is ráði við að tala við skírteini með þessum nýju öryggisstöðlum. Fyrirtæki sem nota B2Bws eru beðin að hafa samband við umsjónaraðila bókhaldskerfisins, hvort sem hann er innan fyrirtækisins eða hjá hugbúnaðarfyrirtæki. Sama gildir um önnur upplýsingakerfi sem eiga rafræn samskipti við bankann með B2Bws.

Fréttasafn


B2B - 24. mars 2020 10:48

Breyting á dráttarvaxtareglum

Miðvikudaginn 25. mars verður gerð breyting á dráttarvaxtareglum og samhliða verður þeim fækkað úr tólf í sjö.


Nánar