Fréttir

18. nóvember 2020 14:11

Fyrsta alþjóðlega loftslagsmælinum fyrir banka hleypt af stokkunum

Alþjóðlegi loftslagsmælirinn PCAF Standard, sem Landsbankinn hefur tekið virkan þátt í að þróa, var kynntur í dag á vegum verkefnisins Partnership for Carbon Accounting Financials (PCAF). Loftslagsmælirinn gerir bönkum og öðrum fjármálafyrirtækjum kleift að mæla og greina frá losun gróðurhúsalofttegunda frá lána- og fjárfestingarstarfsemi sinni. Hann markar ákveðin þáttaskil í sjálfbærnivinnu fjármálafyrirtækja því samræmdan staðal og viðmið hefur hingað til skort til að mæla þessi óbeinu umhverfisáhrif þeirra.

Landsbankinn hefur undanfarið ár, einn íslenskra banka, tekið þátt í þróun loftslagsmælisins með 15 öðrum fjármálafyrirtækjum víðsvegar að úr heiminum. Má þar nefna Morgan Stanley, Bank of America og Amalgamated Bank í Bandaríkjunum og hollensku bankana ABN AMR, Robeco og FMO, auk ýmissa hagsmunaaðila. Nú þegar eru 86 fjármálafyrirtæki aðilar að verkefninu.

Aðalheiður Snæbjarnardóttir, sérfræðingur í sjálfbærni hjá Landsbankanum segir: „Útgáfa PCAF loftslagsmælisins gerir fjármálafyrirtækjum kleift að mæla kolefnislosun eignasafns síns á vísindalegan og samræmdan hátt. Landsbankinn vill þekkja raunverulega losun lána- og eignasafns síns og getur núna hafið vinnu við þær mælingar af krafti. Þegar niðurstöður liggja fyrir verða þær birtar reglulega svo að fjárfestar og aðrir haghafar bankans sjái hver raunveruleg losun safnsins er og hvernig hún þróast. Þetta munu verða lykilupplýsingar í samanburði fjármálafyrirtækja í náinni framtíð.“

04. desember 2020 13:37

Jólin koma – með Gunna og Felix

Félagarnir Gunni og Felix bjóða börnum á öllum aldri á skemmtilega jólasýningu á Facebook-síðu Landsbankans, sunnudaginn 6. desember kl. 14.00.


Nánar

04. desember 2020 13:00

Landsbankahúsið við Pólgötu á Ísafirði til sölu

Hús Landsbankans við Pólgötu 1 á Ísafirði verður auglýst til sölu um helgina. Húsið, sem var reist á árunum 1956-1958, setur sterkan svip á umhverfi sitt og er almennt talið eitt af fallegustu húsum miðbæjarins.


Nánar

04. desember 2020 12:20

Hagsjá: Mánaðaryfirlit yfir gjaldeyrismarkaðinn

Evran lækkaði um 3,2% og Bandaríkjadalur um 5,6% gagnvart krónunni í nóvember. Velta á gjaldeyrismarkaði í nóvember var 32,5 ma.kr. (201 m.evra). Hlutdeild Seðlabankans var 43%


Nánar

Skráðu þig á póstlista