Fréttir

25. september 2020 16:09

Landsbankinn aðili að viljayfirlýsingu um fjárfestingar í þágu sjálfbærrar uppbyggingar

Landsbankinn aðili að viljayfirýsingu um fjárfestingar í þágu sjálfbærrar uppbyggingar.
Katrín Jakobsdóttir, forsætisráðherra, Þórey S. Þórðardóttir framkvæmdastjóri LL, Hrund Gunnsteinsdóttir framkvæmdastjóri Festu, Þórdís Kolbrún Reykfjörð Gylfadóttir ferðamála-, iðnaðar- og nýsköpunarráðherra, Kristján Þór Júlíusson sjávarútvegs- og landbúnaðarráðherra, Guðmundur Ingi Guðbrandsson umhverfis- og auðlindaráðherra og Katrín Júlíusdóttir framkvæmdastjóri SFF.

Landsbankinn er aðili að viljayfirlýsingu um fjárfestingar í þágu sjálfbærrar uppbyggingar sem ríkisstjórnin og aðilar sem fara fyrir hátt í 80% af eignum á íslenskum fjármálamarkaði hafa staðfest.

Katrín Jakobsdóttir, forsætisráðherra, undirritaði viljayfirlýsinguna fyrir hönd ríkisstjórnarinnar þann 25. september 2020. Forsætisráðuneytið, Festa – miðstöð um samfélagsábyrgð og sjálfbærni, Samtök fjármálafyrirtækja (SFF) og Landssamtök lífeyrissjóða (LL) unnu að mótun hennar í víðtæku samráði við fulltrúa helstu aðila á fjármálamarkaði.

Viljayfirlýsing um fjárfestingar í þágu sjálfbærrar uppbyggingar

Áhersla á samfélagsábyrgð

Landsbankinn leggur mikla áherslu á samfélagslega ábyrgð í störfum sínum og fléttar efnahags-, samfélags- og umhverfismálum saman við starfshætti bankans. Stefna bankans í samfélagsábyrgð miðar að því að stuðla að sjálfbærni í íslensku samfélagi, vera hreyfiafl og starfa eftir ábyrgum stjórnarháttum í rekstri bankans. Bankinn hefur m.a. sett sér stefnu varðandi ábyrgar fjárfestingar og er hún sett með hliðsjón af reglum Sameinuðu þjóðanna um ábyrgar fjárfestingar. Þá styður bankinn við þrjú af heimsmarkmiðum Sameinuðu þjóðanna; markmið 5 um jafnrétti kynjanna, markmið 8 um góða atvinnu og hagvöxt og markmið 12 um ábyrga neyslu og framleiðslu, og svo mætti áfram telja.

Nánar um samfélagsábyrgð Landsbankans

20. október 2020 08:00

Hagspá Landsbankans 2020-2023: Veruleg viðspyrna næsta haust

Í hagspá Hagfræðideildar Landsbankans fyrir árin 2020-2023 er gert ráð fyrir að landsframleiðslan dragist saman um 8,5% á árinu 2020. Samdráttarskeiðið verður tiltölulega stutt en þrátt fyrir verulega viðspyrnu næsta haust verður efnahagsbatinn hægur fyrst um sinn.


Nánar

19. október 2020 13:36

HEIMA fékk Gulleggið í ár

Viðskiptahugmyndin Heima sigraði í Gullegginu 2020, frumkvöðlakeppni Icelandic Startups. Heima er smáforrit sem skiptir húsverkum og huglægu byrðinni af heimilishaldi jafnt á milli sambýlinga.


Nánar

19. október 2020 07:59

Vikubyrjun 19. október 2020

Greiðslukortavelta Íslendinga í verslunum hér á landi jókst um 7% milli ára í september, sé miðað við fast verðlag. Síðan í maí, þegar fyrsta bylgja faraldursins var að líða undir lok, hefur mælst stöðug aukning á kortaveltu Íslendinga innanlands samanborið við sama mánuð í fyrra.


Nánar

Skráðu þig á póstlista