Fréttir

16. september 2020 09:13

Hlutafjárútboði Icelandair Group hf. lauk kl. 16.00 fimmtudaginn 17. september 2020

Hlutafjárútboð Icelandair Group hófst kl. 9.00 miðvikudaginn 16. september og lauk kl. 16.00 fimmtudaginn 17. september. Hægt var að taka þátt í útboðinu á vef bankans.

Stærð útboðsins er 20.000.000.000 hlutir í formi nýrra hlutabréfa í Icelandair Group. Gefi eftirspurn tilefni til hefur félagið heimild til að fjölga seldum hlutum í útboðinu þannig að þeir nemi samtals allt að 23.000.000.000. Nýju hlutunum fylgja áskriftarréttindi sem samsvara allt að 25% af skráningu nýrra hluta í útboðinu.

Tveir áskriftarmöguleikar voru í boði, tilboðsbók A og tilboðsbók B, sem eru ólíkar er varðar stærð áskrifta og úthlutun. Verðið er 1,0 króna á hlut og er eins í tilboðsbókum A og B. Lágmarksáskrift tilboðsbókar A er umfram 20 milljónir króna að kaupverði og lágmarksáskrift tilboðsbókar B er 100.000 krónur að kaupverði.

Áskriftarréttindin veita fjárfesti rétt, en ekki skyldu, til að kaupa hlutabréf í Icelandair Group í þremur skrefum á gengi sem samsvarar útboðsgengi (1,0 króna á hlut) að viðbættri 15% árlegri hækkun. Áskriftarréttindin eru flokkuð sem flókinn fjármálagerningur og til að meta hvort fjárfestar hafi nægjanlega þekkingu og reynslu til að skilja áhættuna sem felst í áskriftarréttindunum þurfa þeir að fara í gegnum tilhlýðileikamat, í formi spurningalista, áður en þeir skrá áskrift sína í rafrænu áskriftarkerfi útboðsins.

Minnt er á að fjárfesting í hlutabréfum felur í sér áhættu og að þátttaka í útboðinu er skuldbindandi. Áður en tekin er ákvörðun um fjárfestingu í hlutum í félaginu eru fjárfestar hvattir til að kynna sér allar upplýsingar um Icelandair Group og lýsingu félagsins sem dagsett er 8. september 2020, og hefur verið staðfest af Fjármálaeftirliti Seðlabanka Íslands. Lýsinguna má finna á vefsíðu Icelandair Group, https://www.icelandairgroup.is/.

Hlutafjárútboð Icelandair Group

 

18. september 2020 12:27

Hagsjá: Íbúðaverð hækkar verulega, annan mánuðinn í röð

Íbúðaverð á höfuðborgarsvæðinu hækkaði um 0,8% milli mánaða í ágúst. Þetta er annar mánuðurinn í röð þar sem hækkunin mælist yfir 0,5%. Verðhækkanir í sumar voru talsvert meiri en á sama tíma fyrir ári síðan.


Nánar

18. september 2020 08:07

Mikil umframeftirspurn í hlutafjárútboði Icelandair Group

Almennu hlutafjárútboði Icelandair Group lauk klukkan 16.00 þann 17. september 2020. Í útboðinu voru boðnir til sölu 20 milljarðar nýir hlutir. Umframeftirspurn eftir hlutum í útboðinu nam u.þ.b. 85% frá bæði fagfjárfestum og almennum fjárfestum.


Nánar

17. september 2020 13:28

Reyna að nýta sér stolin kortanúmer

Valitor varaði í gær, 16. september, við tölvupóstum í nafni Póstsins. Í honum var fólk beðið um að smella á hlekk þar sem farið var inn á falska greiðslusíðu sem var merkt Valitor. Dæmi eru um að svikahrappar nýti sér nú kortaupplýsingarnar sem þeir fengu með þessum hætti og þurfa korthafar því að vera á varðbergi.


Nánar

Skráðu þig á póstlista