Fréttir

07. apríl 2020 17:08

Landsbankinn lækkar útlánsvexti

Ný vaxtatafla tekur gildi þann 14. apríl nk. og styrkir bankinn sig þar með í sessi sem það fjármálafyrirtæki sem býður samkeppnishæfustu útlánavextina.

Breytilegir vextir íbúðalána lækka um 0,10 prósentustig. Fastir óverðtryggðir íbúðalánavextir lækka um 0,30-0,40 prósentustig og fastir verðtryggðir íbúðalánavextir til 60 mánaða lækka um 0,10 prósentustig.

Innlánsvextir í íslenskum krónum verða óbreyttir.

Kjörvextir til fyrirtækja og breytilegir vextir vegna bíla- og tækjafjármögnunar lækka um 0,10 prósentustig. Yfirdráttarvextir verða óbreyttir.

Landsbankinn lækkaði síðast vexti 23. mars sl., í kjölfar vaxtaákvörðunar Seðlabanka Íslands.

Vaxtaákvörðun nú tekur einkum mið af nýlegri lækkun bankaskatts, sem var hluti af viðbrögðum stjórnvalda vegna Covid-19 faraldursins. Bankaskattur er lagður á heildarskuldir fjármálafyrirtækja og er skatturinn, þrátt fyrir þessa lækkun, enn töluvert hærri en í öðrum ríkjum sem við berum okkur saman við.

Nánari upplýsingar munu koma fram í nýrri vaxtatöflu bankans.

29. maí 2020 13:57

Hagsjá: Sterkur vinnumarkaður síðustu ára á miklu undanhaldi

Samkvæmt niðurstöðum vinnumarkaðsrannsóknar Hagstofunnar fækkaði starfandi fólki um 22.300 milli aprílmánaða 2019 og 2020. Hlutfall starfandi var 70,5% nú í apríl og hafði lækkað um 8,8 prósentustig frá apríl 2019. Hagstofan birtir tölur úr vinnumarkaðsrannsókn sinni aftur til ársins 2003. Bæði atvinnuþátttaka og hlutfall starfandi hefur ekki verið lægra en nú á öllu því tímabili.


Nánar

29. maí 2020 12:57

Hagsjá: Samdráttur landsframleiðslu á fyrsta ársfjórðungi

Efnahagsleg áhrif Covid-19 voru fremur lítil á fyrsta ársfjórðungi.


Nánar

28. maí 2020 16:34

Landsbankinn lækkar vexti

Landsbankinn hefur undanfarið fest sig í sessi sem það fjármálafyrirtæki sem býður samkeppnishæfustu útlánsvextina. Frá því að vaxtalækkunarferli Seðlabankans hófst hefur Landsbankinn að jafnaði lækkað útlánsvexti meira en innlánsvexti.


Nánar

Skráðu þig á póstlista