Fréttir

13. mars 2020 13:11

Upplýsingar um kortatryggingar vegna ferðabanns og Covid-19

Vegna ferðabanns sem sett hefur verið á milli landa Schengen-svæðisins og Bandaríkjanna vegna Covid-19,  bendir Landsbankinn á að upplýsingar um kortatryggingar má nálgast á vefsíðu Varðar sem annast kortatryggingar fyrir korthafa Landsbankans.

Á vef Varðar má finna upplýsingar um helstu skilmála kortatrygginga fyrir viðskiptavini sem verða fyrir áhrifum vegna ferðabannsins eða vegna þess að fara í sóttkví.

Tryggingafélagið Vörður veitir nánari upplýsingar um skilmála trygginganna, í síma 514-1000, í gegnum netfangið vordur@vordur.is eða í netspjalli á vef tryggingafélagsins, www.vordur.is.

Vörður: Ferðabann Bandaríkjanna vegna Covid-19

29. maí 2020 13:57

Hagsjá: Sterkur vinnumarkaður síðustu ára á miklu undanhaldi

Samkvæmt niðurstöðum vinnumarkaðsrannsóknar Hagstofunnar fækkaði starfandi fólki um 22.300 milli aprílmánaða 2019 og 2020. Hlutfall starfandi var 70,5% nú í apríl og hafði lækkað um 8,8 prósentustig frá apríl 2019. Hagstofan birtir tölur úr vinnumarkaðsrannsókn sinni aftur til ársins 2003. Bæði atvinnuþátttaka og hlutfall starfandi hefur ekki verið lægra en nú á öllu því tímabili.


Nánar

29. maí 2020 12:57

Hagsjá: Samdráttur landsframleiðslu á fyrsta ársfjórðungi

Efnahagsleg áhrif Covid-19 voru fremur lítil á fyrsta ársfjórðungi.


Nánar

28. maí 2020 16:34

Landsbankinn lækkar vexti

Landsbankinn hefur undanfarið fest sig í sessi sem það fjármálafyrirtæki sem býður samkeppnishæfustu útlánsvextina. Frá því að vaxtalækkunarferli Seðlabankans hófst hefur Landsbankinn að jafnaði lækkað útlánsvexti meira en innlánsvexti.


Nánar

Skráðu þig á póstlista