Fréttir

10. mars 2020 12:13

Borgaðu snertilaust með símanum eða snjallúrinu

Viðskiptavinir Landsbankans geta með auðveldum hætti notað síma, snjallúr eða greiðslukort til að greiða snertilaust fyrir vörur og þjónustu.

Ráðleggingar Embættis landlæknis varðandi heftingu á smiti á Covid-19-veirunni lúta meðal annars að því að huga vel að yfirborðsflötum, s.s. greiðsluposum, hraðbönkum og snertiskjám. Samhæfingarstöð almannavarna hvetur því til notkunar á snertilausum greiðslulausnum en með því að nota snertilausar greiðslur sleppur fólk við að slá inn PIN-númer.

Við minnum því á nota má síma og snjallúr til að greiða snertilaust fyrir vörur og þjónustu. Einnig er hægt að nota snertilausa virkni á greiðslukortum en þá er ekki hægt að greiða hærri fjárhæð en 5.000 kr. í hvert skipti. Engar slíkar fjárhæðartakmarkanir eru á snertilausum greiðslum með farsímum og úrum.

Nánari upplýsingar um hvernig hægt er að borga með síma eða úri

Snertilaus kreditkort

Snertilaus debetkort

02. júní 2020 11:17

Lindaskóli varði titillin í Skólahreysti

Lindaskóli í Kópavogi sigraði Skólahreysti 2020 og vann þar með keppnina annað árið í röð. Úrslitakeppnin fór fram í Laugardalshöll laugardaginn 30. maí og var æsispennandi allt til enda.


Nánar

02. júní 2020 10:37

Vikubyrjun 2. júní 2020

Efnahagsleg áhrif Covid-19 hafa komið mishart niður á viðskiptalöndum Íslands. Sum lönd upplifðu töluverðan samdrátt á meðan lítilsháttar aukning mældist í öðrum. Þannig var 5,4% samdráttur í Frakklandi á fyrsta ársfjórðungi miðað við sama tímabil í fyrra. Í Þýskalandi var 2,3% samdráttur og 1,6% samdráttur í Bretlandi. Í Bandaríkjunum var hins vegar 0,3% hagvöxtur og einnig var lítilsháttar hagvöxtur í Svíþjóð og Noregi á fyrsta fjórðungi ársins.


Nánar

29. maí 2020 13:57

Hagsjá: Sterkur vinnumarkaður síðustu ára á miklu undanhaldi

Samkvæmt niðurstöðum vinnumarkaðsrannsóknar Hagstofunnar fækkaði starfandi fólki um 22.300 milli aprílmánaða 2019 og 2020. Hlutfall starfandi var 70,5% nú í apríl og hafði lækkað um 8,8 prósentustig frá apríl 2019. Hagstofan birtir tölur úr vinnumarkaðsrannsókn sinni aftur til ársins 2003. Bæði atvinnuþátttaka og hlutfall starfandi hefur ekki verið lægra en nú á öllu því tímabili.


Nánar

Skráðu þig á póstlista