Fréttir

17. febrúar 2020 09:59

Lánasjóður sveitarfélaga: Útboð á grænum skuldabréfum

Lánasjóður sveitarfélaga efnir til fyrsta útboðs sjóðsins á nýjum grænum skuldabréfaflokki, LSS040440 GB, miðvikudaginn 19. febrúar næstkomandi. Skuldabréfaflokkurinn er verðtryggður til 20 ára, með jöfnum greiðslum afborgana og vaxta, á sex mánaða fresti og 1,50% föstum ársvöxtum. Lokagjalddagi er 4. apríl 2040. Lánasjóðurinn stefnir að því að taka tilboðum að fjárhæð 500 til 1.000 milljónir króna að nafnvirði en áskilur sér rétt til að hækka og lækka útboðsfjárhæð útboðsins.

Útboðið verður með hollenskri aðferð, þ.e. öll samþykkt tilboð bjóðast fjárfestum á hæstu ávöxtunarkröfu sem verður tekið í flokknum. Lánasjóðurinn áskilur sér rétt til að taka eða afþakka hvaða tilboði sem er í heild eða að hluta. Heimilt er að afturkalla eða breyta tilboði með sama hætti og tilboðum er skilað inn, sé það gert fyrir lok útboðsfrest. Útboðið er lokað og undanþegið gerð lýsingar, sbr. a lið, 1. mgr., 50. greinar laga nr. 108/2007 um verðbréfaviðskipti.

Greiðslu- og uppgjörsdagur er fyrirhugaður miðvikudaginn 26. febrúar 2020. Útgefandi mun óska eftir töku skuldabréfanna til viðskipta á Aðalmarkaði Nasdaq Iceland.

Vottuð umgjörð fyrir græn skuldabréf

Lánasjóðurinn hefur fengið vottun á græna umgjörð (e. Green Bond Framework) sjóðsins í þeim tilgangi að gefa út græn skuldabréf. Græna umgjörðin byggir á alþjóðlegum viðmiðum (e. Green Bond Principles) sem ICMA, (Alþjóðasamtök aðila á verðbréfamarkaði) hefur sett saman og byggja á fjórum grunnstoðum: 1) Skilgreining á ráðstöfun fjármuna, 2) ferli um mat á verkefnum, 3) stýring fjármuna og 4) upplýsingagjöf til fjárfesta. Tilgangur fyrirhugaðrar skuldabréfaútgáfu er að fjármagna verkefni sveitarfélaga sem stuðla að umhverfisvernd og sporna gegn loftslagbreytingum.

Verkefni sem fjármögnuð verða með grænum skuldabréfum þurfa að uppfylla þau skilyrði sem koma fram í umgjörð Lánasjóðsins. Dæmi um verkefni eru: Vistvænar byggingar, umhverfisvænar samgöngur, endurnýjanleg orka, fráveitur og meðhöndlun aukaafurða (úrgangs).

Græna umgjörðin hefur hlotið vottun frá Sustainalytics, sem er alþjóðlegur viðurkenndur vottunaraðili. Samkvæmt vottuninni er umgjörð Lánasjóðsins trúverðug, áhrifarík, gagnsæ og í samræmi við alþjóðleg viðmið.

Grunnlýsing, endanlegir skilmálar, græn umgjörð og vottun frá Sustainalytics og önnur skjöl sem tengjast skuldabréfunum og útgáfu á þeim verður hægt að nálgast á vefsíðu sjóðsins,

Markaðsviðskipti Landsbankans hafa umsjón með útboðinu og fjárfestar skulu skila tilboðum fyrir klukkan 16:00 miðvikudaginn 19. febrúar 2020 á netfangið verdbrefamidlun@landsbankinn.is

Lánasjóður sveitarfélaga

 

30. mars 2020 16:00

Vegna álags getur þjónusta tekið lengri tíma

Við leggjum okkur fram um að veita skjóta og góða þjónustu en í sumum tilvikum getur þjónusta bankans nú tekið lengri tíma en venjulega. Ástæðan er sú að hluti af starfsfólki bankans vinnur á tvískiptum vöktum eða heima hjá sér í samræmi við tilmæli landlæknis en á sama tíma hefur fyrirspurnum og ýmsum úrlausnarefnum fjölgað.


Nánar

30. mars 2020 11:32

Umræðan: Hvernig fæ ég bankaþjónustu án þess að fara í útibú?

Vegna Covid-19 þurfa margir viðskiptavinir sem eru vanir að fara í útibú til að sinna bankaerindum að nýta sér aðrar leiðir. Í nýrri grein á Umræðunni eru svör við nokkrum algengum spurningum þeirra sem eru að nota netbankann eða appið í fyrsta sinn.


Nánar

30. mars 2020 11:30

Umræðan: Hvað geri ég ef tekjurnar lækka skyndilega?

Öll finnum við fyrir áhrifum Covid-19 faraldursins. Auk áhrifanna sem smitvarnaaðgerðir hafa á daglegt líf okkar verða margir fyrir tímabundinni tekjulækkun eða tekjumissi á næstunni. Ýmis úrræði og lausnir eru í boði.


Nánar