Fréttir

24. janúar 2020 09:43

Landsbankinn efstur banka í Íslensku ánægjuvoginni

Íslenska ánægjuvogin

Landsbankinn mældist efstur í Íslensku ánægjuvoginni 2019 hjá viðskiptavinum í bankaþjónustu. Þetta er ánægjuleg viðurkenning á þeirri stefnu Landsbankans að bjóða framúrskarandi bankaþjónustu, hvort sem hún er veitt með stafrænum hætti eða með persónulegri þjónustu í útibúum bankans.

Íslenska ánægjuvogin er félag í eigu Stjórnvísi og er framkvæmd í höndum Zenter rannsókna.

Lilja Björk Einarsdóttir, bankastjóri Landsbankans, segir: „Við erum afar ánægð og stolt yfir því að Landsbankinn skuli mælast efstur banka í Íslensku ánægjuvoginni. Okkar starf miðar að því að veita viðskiptavinum úrvals þjónustu og tryggja um leið traustan rekstur til framtíðar. Um leið og við setjum mikinn kraft í stafræna framþróun leggjum við áherslu á að efla og þróa þá þjónustu sem er í boði í útibúum bankans. Niðurstöður Íslensku ánægjuvogarinnar eru enn ein staðfestingin á að við séum á réttri leið og eru okkur hvatning til að gera enn betur. Landsbankinn mun áfram kappkosta að bjóða framúrskarandi bankaþjónustu um allt land, hvar og hvenær sem er.“

30. mars 2020 16:00

Vegna álags getur þjónusta tekið lengri tíma

Við leggjum okkur fram um að veita skjóta og góða þjónustu en í sumum tilvikum getur þjónusta bankans nú tekið lengri tíma en venjulega. Ástæðan er sú að hluti af starfsfólki bankans vinnur á tvískiptum vöktum eða heima hjá sér í samræmi við tilmæli landlæknis en á sama tíma hefur fyrirspurnum og ýmsum úrlausnarefnum fjölgað.


Nánar

30. mars 2020 11:32

Umræðan: Hvernig fæ ég bankaþjónustu án þess að fara í útibú?

Vegna Covid-19 þurfa margir viðskiptavinir sem eru vanir að fara í útibú til að sinna bankaerindum að nýta sér aðrar leiðir. Í nýrri grein á Umræðunni eru svör við nokkrum algengum spurningum þeirra sem eru að nota netbankann eða appið í fyrsta sinn.


Nánar

30. mars 2020 11:30

Umræðan: Hvað geri ég ef tekjurnar lækka skyndilega?

Öll finnum við fyrir áhrifum Covid-19 faraldursins. Auk áhrifanna sem smitvarnaaðgerðir hafa á daglegt líf okkar verða margir fyrir tímabundinni tekjulækkun eða tekjumissi á næstunni. Ýmis úrræði og lausnir eru í boði.


Nánar