Fréttir

13. janúar 2020 10:28

Sýning á Kjarvalsmyndum Landsbankans í Austurstræti 11

Opnuð hefur verið sýning á 24 verkum eftir Jóhannes S. Kjarval sem eru í eigu Landsbankans. Sýningin er haldin í útibúi bankans við Austurstræti 11 og er opin á afgreiðslutíma útibúsins.

Eitt af fyrstu verkefnum Kjarvals eftir að hann sneri heim frá Danmörku um 1920 var að mála portrettmyndir af fjórum fyrstu bankastjórum Landsbankans. Í kjölfarið var honum falið að gera veggmyndirnar miklu um útgerðarsögu landsmanna á annarri hæð nýbyggingarinnar sem reis í kjölfar miðbæjarbrunans 1915. Fram á sín síðustu ár átti Kjarval regluleg samskipti við bankann, jafnt viðskiptaleg sem persónuleg, enda bjó hann um tíma í Austurstræti, gegnt bankanum. Með tíð og tíma eignaðist Landsbankinn eitt stærsta einkasafn af verkum Kjarvals sem til er, alls rúmlega sjötíu verk.

Í kjölfar Kjarvalssýningarinnar verður reglulega efnt til sýninga með helstu verkum íslenskra myndlistarmanna sem eru í eigu bankans undir heitinu: Listasafn Landsbankans: Sýningaröð um menningararf.

Aðalsteinn Ingólfsson listfræðingur er sýningarstjóri.

 

26. maí 2020 16:44

Afgreiðslan í Bolungarvík sameinast útibúinu á Ísafirði

Afgreiðsla Landsbankans í Bolungarvík mun sameinast útibúinu á Ísafirði þann 1. júlí næstkomandi. Landsbankinn hefur frá árinu 2015 rekið afgreiðslu í Ráðhúsi Bolungarvíkur en samhliða aukinni notkun á stafrænni þjónustu hefur eftirspurn eftir gjaldkeraþjónustu minnkað mikið.


Nánar

26. maí 2020 07:47

Hagsjá: Mikil hækkun launavísitölu í apríl – opinberi markaðurinn kominn inn aftur

Samkvæmt tölum Hagstofu Íslands hækkaði launavísitalan um 3,3% milli mars og apríl. Síðustu 12 mánuði hefur launavísitalan hækkað um 6,8%, sem er mun meiri ársbreyting en verið hefur síðustu mánuði. Þar sem verðbólga hefur verið lítil þýða þessar miklu launabreytingar að kaupmáttur tók stökk upp á við. Kaupmáttur launa jókst þannig um 2,8% milli mars og apríl og var 4,5% meiri nú í apríl en í apríl í fyrra. Sú staða er reyndar mjög athyglisverð í ljósi þess að hallað hefur verulega undan fæti í efnahagslífinu.


Nánar

25. maí 2020 11:45

Hagsjá: Verð íslenskra sjávarafurða hélt áfram að hækka á fyrsta ársfjórðungi

Efnahagsleg áhrif Covid-19 megnuðu ekki að lækka verð á íslenskum sjávarafurðum á fyrsta ársfjórðungi.


Nánar

Skráðu þig á póstlista