Fréttir

10. janúar 2020 13:00

Breytingar á þjónustu í Austurstræti

Fjármálaráðgjöf verður færð úr útibúi Landsbankans við Austurstræti yfir í Vesturbæjarútbú við Hagatorg. Áfram verður hægt að fá gjaldkeraþjónustu í Austurstræti og leysa úr ýmsum erindum, t.d. virkjun rafrænna skilríkja og stofnun netbanka. Þá verður þar hægt að fá aðstoð og kennslu við að nýta stafrænar lausnir bankans.

Breytingarnar taka gildi mánudaginn 13. janúar.

Samhliða þessum breytingum bjóðum við viðskiptavinum að panta tíma í fjármálaráðgjöf í Vesturbæjarútibúi á vef Landsbankans. Viðskiptavinir munu áfram geta sótt ráðgjöf og alla aðra bankaþjónustu í Vesturbæjarútibúi án þess að hafa pantað tíma.

Með því að panta tíma komast viðskiptavinir hjá bið og starfsfólk fær betri tíma til undirbúnings. Einnig er hægt að panta tíma með því að hringja í þjónustuver bankans. Til að panta fjármálaráðgjöf á vefnum þarf að smella á talblöðrur á forsíðu vefsins og velja hentugan tíma.

 

26. maí 2020 16:44

Afgreiðslan í Bolungarvík sameinast útibúinu á Ísafirði

Afgreiðsla Landsbankans í Bolungarvík mun sameinast útibúinu á Ísafirði þann 1. júlí næstkomandi. Landsbankinn hefur frá árinu 2015 rekið afgreiðslu í Ráðhúsi Bolungarvíkur en samhliða aukinni notkun á stafrænni þjónustu hefur eftirspurn eftir gjaldkeraþjónustu minnkað mikið.


Nánar

26. maí 2020 07:47

Hagsjá: Mikil hækkun launavísitölu í apríl – opinberi markaðurinn kominn inn aftur

Samkvæmt tölum Hagstofu Íslands hækkaði launavísitalan um 3,3% milli mars og apríl. Síðustu 12 mánuði hefur launavísitalan hækkað um 6,8%, sem er mun meiri ársbreyting en verið hefur síðustu mánuði. Þar sem verðbólga hefur verið lítil þýða þessar miklu launabreytingar að kaupmáttur tók stökk upp á við. Kaupmáttur launa jókst þannig um 2,8% milli mars og apríl og var 4,5% meiri nú í apríl en í apríl í fyrra. Sú staða er reyndar mjög athyglisverð í ljósi þess að hallað hefur verulega undan fæti í efnahagslífinu.


Nánar

25. maí 2020 11:45

Hagsjá: Verð íslenskra sjávarafurða hélt áfram að hækka á fyrsta ársfjórðungi

Efnahagsleg áhrif Covid-19 megnuðu ekki að lækka verð á íslenskum sjávarafurðum á fyrsta ársfjórðungi.


Nánar

Skráðu þig á póstlista