Fréttir

27. desember 2019 15:59

Vaxtagreiðslur og millifærslur um áramót

Vextir bankareikninga

Vaxtagreiðslur bankareikninga fyrir árið 2019 og skuldfærsla vegna vaxta á yfirdráttarlánum fyrir desembermánuð 2019 fara fram þann 31. desember. Útreikningur miðast við stöðuna á reikningum eins og hún er um kl. 18.00 þann dag.

Millifærslur

Allar millifærslur og aðrar greiðsluaðgerðir sem framkvæmdar eru á milli kl. 18.00 og 21.00 þann 31. desember 2019, tilheyra árinu 2019 og verður tekið tillit til þeirra við næsta útreikning vaxta.

Allar færslur sem framkvæmdar eru eftir kl. 21.00 þann 31.12.2019 bókast 2. janúar og tilheyra árinu 2020.

Stórgreiðslur

Stórgreiðslukerfið lokar kl. 12.00 á hádegi þann 31. desember 2019. Eftir þann tíma er ekki hægt að millifæra á milli banka hærri fjárhæðir en 10.000.000 kr.

Launagreiðslur

Viðskiptavinum Landsbankans sem greiða laun er bent á að senda bankanum framvirka launaskrá milli jóla og nýárs, með greiðsludag 31. desember. Ef sú leið er ekki valin er best að viðskiptavinir greiði launin strax um morguninn þann 31. desember.

Afgreiðslutími Landsbankans um jól og áramót

30. mars 2020 16:00

Vegna álags getur þjónusta tekið lengri tíma

Við leggjum okkur fram um að veita skjóta og góða þjónustu en í sumum tilvikum getur þjónusta bankans nú tekið lengri tíma en venjulega. Ástæðan er sú að hluti af starfsfólki bankans vinnur á tvískiptum vöktum eða heima hjá sér í samræmi við tilmæli landlæknis en á sama tíma hefur fyrirspurnum og ýmsum úrlausnarefnum fjölgað.


Nánar

30. mars 2020 11:32

Umræðan: Hvernig fæ ég bankaþjónustu án þess að fara í útibú?

Vegna Covid-19 þurfa margir viðskiptavinir sem eru vanir að fara í útibú til að sinna bankaerindum að nýta sér aðrar leiðir. Í nýrri grein á Umræðunni eru svör við nokkrum algengum spurningum þeirra sem eru að nota netbankann eða appið í fyrsta sinn.


Nánar

30. mars 2020 11:30

Umræðan: Hvað geri ég ef tekjurnar lækka skyndilega?

Öll finnum við fyrir áhrifum Covid-19 faraldursins. Auk áhrifanna sem smitvarnaaðgerðir hafa á daglegt líf okkar verða margir fyrir tímabundinni tekjulækkun eða tekjumissi á næstunni. Ýmis úrræði og lausnir eru í boði.


Nánar