Fréttir

17. desember 2019 12:31

Viðvörun vegna svikapósta

Valitor hefur varað við svikapóstum sem sendir hafa verið til almennings í nafni Valitor. Fólki er eindregið ráðlagt að opna ekki póstana, smella ekki á hlekki sem fylgja og alls ekki gefa upp kortaupplýsingar. Best er að eyða póstinum strax.

Í viðvörun Valitors er tekið fram að fyrirtækið biður aldrei um kortaupplýsingar í tölvupósti.

Þá hafa undanfarið komið upp dæmi um tilraunir til netsvindls í gjafaleikjum sem eru látnir líta út fyrir að vera á vegum íslenskra fyrirtækja. Svikatilraunirnar má m.a. þekkja af því að óskað er eftir kreditkortaupplýsingum í leikjunum. Viðskiptavinum er bent á að taka ekki þátt í slíkum leikjum og gefa ekki upp kreditkortaupplýsingar.

Ekki gefa upp kortaupplýsingar

Landsbankinn bendir viðskiptavinum á að bankar, fyrirtæki, félagasamtök eða stofnanir hafa aldrei samband að fyrra bragði, s.s. með tölvupósti, símtali, á Facebook Messenger eða SMS-skilaboðum, og biðja um að fá kortaupplýsingar.

Þá bendum við á að á Umræðunni eru aðgengileg myndbönd og upplýsingar um hvernig hægt er að þekkja og varast fjársvik á netinu.

Svik í gegnum tölvupóst og smáskilaboð
Netöryggi - Verum vakandi

 

30. mars 2020 16:00

Vegna álags getur þjónusta tekið lengri tíma

Við leggjum okkur fram um að veita skjóta og góða þjónustu en í sumum tilvikum getur þjónusta bankans nú tekið lengri tíma en venjulega. Ástæðan er sú að hluti af starfsfólki bankans vinnur á tvískiptum vöktum eða heima hjá sér í samræmi við tilmæli landlæknis en á sama tíma hefur fyrirspurnum og ýmsum úrlausnarefnum fjölgað.


Nánar

30. mars 2020 11:32

Umræðan: Hvernig fæ ég bankaþjónustu án þess að fara í útibú?

Vegna Covid-19 þurfa margir viðskiptavinir sem eru vanir að fara í útibú til að sinna bankaerindum að nýta sér aðrar leiðir. Í nýrri grein á Umræðunni eru svör við nokkrum algengum spurningum þeirra sem eru að nota netbankann eða appið í fyrsta sinn.


Nánar

30. mars 2020 11:30

Umræðan: Hvað geri ég ef tekjurnar lækka skyndilega?

Öll finnum við fyrir áhrifum Covid-19 faraldursins. Auk áhrifanna sem smitvarnaaðgerðir hafa á daglegt líf okkar verða margir fyrir tímabundinni tekjulækkun eða tekjumissi á næstunni. Ýmis úrræði og lausnir eru í boði.


Nánar