Fréttir

10. desember 2019 10:22

Gjaldeyrisviðskipti Landsbankans í takt við FX Global Code

Landsbankinn hefur undirritað yfirlýsingu um að bankinn ætli að haga gjaldeyrisviðskiptum sínum í samræmi við FX Global Code sem eru alþjóðlegar reglur um góða framkvæmd gjaldeyrisviðskipta. Reglunum er ætlað að stuðla að trausti, sanngirni og viðeigandi gagnsæi á gjaldeyrismarkaði.

FX Global Code reglurnar byggja á niðurstöðum vinnuhóps Alþjóðagreiðslubankans í Basel. Vinnuhópurinn var skipaður fulltrúum frá helstu seðlabönkum heims ásamt fulltrúum markaðsaðila frá 16 löndum sem tóku þátt í þróun og innleiðingu reglnanna. Á alþjóðlegum vettvangi eru reglurnar taldar mikilvægur liður í að auka traust og stuðla að skilvirkum gjaldeyrismarkaði. Frá því að reglurnar voru samþykktar árið 2017 hefur mikill fjöldi seðlabanka, viðskiptabanka og annarra markaðsaðila lýst því yfir að þeir hagi gjaldeyrisviðskiptum sínum í samræmi við reglurnar.

Í yfirlýsingu Landsbankans kemur fram að bankinn hafi kynnt sér reglurnar og viðmiðin sem í þeim felast og hafi gert viðeigandi ráðstafanir til að aðlaga starfsemi sína að þeim.

Seðlabanki Íslands undirritaði sambærilega yfirlýsingu í nóvember 2018 og hvatti í kjölfarið mótaðila sína á Íslandi til að kynna sér reglurnar og gera eftir atvikum nauðsynlegar ráðstafanir til að uppfylla viðmið þeirra. Landsbankinn varð fyrsti markaðsaðilinn á Íslandi, fyrir utan Seðlabankann, til að undirrita slíka yfirlýsingu.

Yfirlýsing Landsbankans

Nánari upplýsingar um FX Global Code


02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista