Fréttir

04. desember 2019 14:47

Fyrsta víkjandi skuldabréfaútgáfa í krónum

Landsbankinn hefur lokið útboði á víkjandi skuldabréfum í krónum að fjárhæð 5,5 milljarðar króna. Útgáfan fellur undir 50 milljarða útgáfuramma bankans fyrir víxla og skuldabréf. Skuldabréfin eru verðtryggð og eru til tíu ára en innkallanleg að fimm árum liðnum. Skuldabréfaútgáfan var fyrsta víkjandi útgáfa bankans í íslenskum krónum.

Tilboð í útboðinu voru 26 talsins og námu samtals 8.560 m. kr. að nafnverði. Fimm tilboð að fjárhæð 900 m. kr. að nafnverði bárust í óverðtryggða flokkinn LBANK T2 29 á ávöxtunarkröfu á bilinu 6,60%-6,90%. Engum tilboðum var tekið í flokkinn. 21 tilboð að fjárhæð 7.660 m. kr. að nafnverði bárust í verðtryggða flokkinn LBANK T2I 29 á ávöxtunarkröfu á bilinu 3,69%-4,00%. Tilboðum að fjárhæð 5.520 m.kr. var tekið í flokkinn á ávöxtunarkröfunni 3,85%.


03. apríl 2020 14:19

Aðalfundur Landsbankans 22. apríl 2020

Aðalfundur Landsbankans hf. verður haldinn miðvikudaginn 22. apríl 2020 kl. 13.00. Fundinn átti upphaflega að halda 27. mars 2020 en honum var frestað vegna útbreiðslu Covid-19. Fundurinn verður haldinn í Austurstræti 11, Reykjavík.


Nánar

03. apríl 2020 14:14

Hagsjá: Mánaðaryfirlit yfir gjaldeyrismarkaðinn

Krónan veiktist um 11,9% á móti evrunni í mars. Í lok mánaðarins stóð evran í 156,2 krónum samanborið við 139,6 krónur í lok febrúar.


Nánar

03. apríl 2020 13:54

Hagsjá: Breytingar fyrirhugaðar á leigumarkaði

Leiguverð lækkaði milli mánaða í febrúar en hefur almennt hækkað hraðar en íbúðaverð á allra síðustu árum. Fyrirhugaðar eru breytingar á umgjörð leigumarkaðar, þar sem meðal annars verða settar takmarkanir á hækkun leiguverðs, verði frumvarp ráðherra að lögum.


Nánar