Fréttir

06. nóvember 2019 09:03

Hægt að greiða með Garmin og Fitbit snjallúrum

Korthafar Landsbankans geta nú tengt greiðslukortin sín við Garmin Pay og Fitbit Pay. Hægt er að nota úr frá Garmin og Fitbit sem eru með þráðlausa samskiptatækni (NFC-virkni) til að borga um allan heim í posum sem taka við snertilausum greiðslum.

Garmin Pay og Fitbit Pay eru afar einföld í uppsetningu. Nánari upplýsingar um uppsetningu:

Garmin

Fitbit

Garmin Pay og Fitbit Pay eru viðbót við aðra möguleika í snertilausum greiðslum sem hafa verið í boði í farsímum og snjallúrum með kortaappinu (Android) og Apple Pay (iPhone/Apple watch).

Greiðslur með úrunum virka með sama hætti og snertilausar greiðslur með öðrum snjalltækjum. Úttektarheimildir og öll önnur virkni er sú sama og þegar greitt er með greiðslukorti auk þess sem fríðindi á borð við Aukakrónur og tryggingar haldast óbreytt.

 

02. júní 2020 11:17

Lindaskóli varði titillin í Skólahreysti

Lindaskóli í Kópavogi sigraði Skólahreysti 2020 og vann þar með keppnina annað árið í röð. Úrslitakeppnin fór fram í Laugardalshöll laugardaginn 30. maí og var æsispennandi allt til enda.


Nánar

02. júní 2020 10:37

Vikubyrjun 2. júní 2020

Efnahagsleg áhrif Covid-19 hafa komið mishart niður á viðskiptalöndum Íslands. Sum lönd upplifðu töluverðan samdrátt á meðan lítilsháttar aukning mældist í öðrum. Þannig var 5,4% samdráttur í Frakklandi á fyrsta ársfjórðungi miðað við sama tímabil í fyrra. Í Þýskalandi var 2,3% samdráttur og 1,6% samdráttur í Bretlandi. Í Bandaríkjunum var hins vegar 0,3% hagvöxtur og einnig var lítilsháttar hagvöxtur í Svíþjóð og Noregi á fyrsta fjórðungi ársins.


Nánar

29. maí 2020 13:57

Hagsjá: Sterkur vinnumarkaður síðustu ára á miklu undanhaldi

Samkvæmt niðurstöðum vinnumarkaðsrannsóknar Hagstofunnar fækkaði starfandi fólki um 22.300 milli aprílmánaða 2019 og 2020. Hlutfall starfandi var 70,5% nú í apríl og hafði lækkað um 8,8 prósentustig frá apríl 2019. Hagstofan birtir tölur úr vinnumarkaðsrannsókn sinni aftur til ársins 2003. Bæði atvinnuþátttaka og hlutfall starfandi hefur ekki verið lægra en nú á öllu því tímabili.


Nánar

Skráðu þig á póstlista