Fréttir

01. nóvember 2019 12:34

Björn Hákonarson til Landsbankans

Björn Hákonarson hefur verið ráðinn til starfa hjá Fyrirtækjaráðgjöf Landsbankans. Björn starfaði áður í markaðsviðskiptum Arion banka frá árinu 2018. Hann vann við gjaldeyris- og verðbréfamiðlun hjá Íslandsbanka frá 2009-2017, þar af sem forstöðumaður miðlunar frá 2013. Björn vann við fjárstýringu hjá Kaupþingi hf. frá 2005-2009 og við gjaldeyrismiðlun hjá Íslandsbanka frá 2000-2005.

Björn lauk cand. oecon. gráðu í viðskiptafræði frá Háskóla Íslands árið 2000. Hann hefur hlotið löggildingu í verðbréfamiðlun og lokið ACI-prófi í verðbréfa- og gjaldeyrismiðlun.

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista