Fréttir

31. október 2019 15:50

Upptökur og glærusýningar frá morgunfundi um hagspá Landsbankans

Upptökur frá morgunfundi sem haldinn var 30. október í tilefni af útgáfu hagspár Landsbankans 2019-2022 eru nú aðgengilegar á Umræðunni. Þar er hagspáin einnig birt í heild og hægt er að hlaða niður glærusýningum frummælenda.

Á fundinum kynnti Daníel Svavarsson, forstöðumaður Hagfræðideildar Landsbankans, nýja hagspá deildarinnar og Una Jónsdóttir og Ari Skúlason, hagfræðingar í Hagfræðideildinni, fjölluðu ítarlega um stöðu og horfur á húsnæðismarkaði. Jamie Rush, aðalhagfræðingur Evrópudeildar Bloomberg Economics í London flutti erindi um efnahagsleg áhrif popúlisma og ræddi m.a. um áhrifin af Brexit og tollastríði Bandaríkjanna og Kína. Fundinum lauk á pallborðsumræðu um stöðu og horfur í íslensku efnahagslífi með þátttöku Eggerts Þórs Kristóferssonar, forstjóra Festi, Guðrúnar Hafsteinsdóttur, formanns Samtaka iðnaðarins, Jóns Sigurðssonar, forstjóra Össurar og Lilju B. Einarsdóttur, bankastjóra Landsbankans. Fanney Birna Jónsdóttir, fjölmiðlakona, stýrði umræðunni. Fundarstjóri var Hrefna Ösp Sigfinnsdóttir, framkvæmdastjóri Markaða Landsbankans.

Upptökur frá morgunfundinum

Í hagspánni er gert ráð fyrir að landsframleiðsla á Íslandi dragist saman á þessu ári og að hagvöxtur verði neikvæður um 0,4%. Horfur eru á hóflegum efnahagsbata á næstu árum og spáir deildin því að hagvöxtur verði jákvæður um 2% árið 2020. Verðbólga verði nálægt verðbólgumarkmiði Seðlabankans og vextir lágir.

Hagspá Landsbankans 2019-2022

 

22. nóvember 2019 10:04

Markaðsumræðan - hlaðvarp: Staða og horfur hjá Icelandair

Í þriðja þætti Markaðsumræðunnar ræða Arnar I. Jónsson og Sveinn Þórarinsson, sérfræðingar í Hagfræðideild Landsbankans, um rekstur Icelandair undanfarin ár. Þeir velta fyrir sér verðlagningu félagins, áskorunum í rekstri og líta inn í framtíðina.


Nánar

22. nóvember 2019 13:37

Ekki hægt að skipta 500 evru seðlum eftir 5. desember

Landsbankinn mun ekki taka við 500 evru seðlum frá og með 5. desember nk. en útgáfu 500 evru seðla hefur verið hætt. Áfram verður hægt að skipta 500 evru seðlum í bönkum á evrusvæðinu, samanber meðfylgjandi tilkynningu Seðlabanka Evrópu.


Nánar

21. nóvember 2019 08:02

Hagsjá: Um reynsluna af verðbólgu- og þjóðhagsspám

Nokkrir aðilar, þar á meðal Hagfræðideild Landsbankans, birta reglulega verðbólgu- og þjóðhagsspár fyrir Ísland. Það er hollt að staldra við öðru hvoru og skoða hver reynslan er af þessum spám.


Nánar