Fréttir

24. október 2019 13:42

Nýtt hlaðvarp Hagfræðideildar Landsbankans

Í nýju hlaðvarpi Umræðunnar fjallar Hagfræðideild Landsbankans um hlutabréfamarkaðinn, viðskiptalíf og efnahagsmál. Tilgangurinn er að auka áhuga á og umræðu um hlutabréfamarkaðinn og veita innsýn í hvernig sérfræðingar í Hagfræðideild Landsbankans meta félög á hlutabréfamarkaði. Hlaðvarpið kallast Markaðsumræðan og umsjónarmenn þess eru Arnar I. Jónsson og Sveinn Þórarinsson.

„Hlaðvarpið er vettvangur fyrir okkur verðbréfagreinendur í Hagfræðideildinni að koma á framfæri greiningum á félögum á hlutabréfamarkaði og hvernig hinir ýmsu atburðir, s.s. fréttir af félögum og nýjustu vendingar á mörkuðum og í hagkerfinu, hafa áhrif á félögin og markaðinn. Megin áhersla umfjöllunarinnar verða verðbréf og þróun markaðarins hér á Íslandi en einnig verður fjallað um hagfræði og hagkerfið með víðari skírskotun til þátta á borð við ferðaþjónustu, verðbólgu, vaxtaþróun og hagvaxtarhorfur,“ segir Sveinn.

Sveinn Þórarinsson og Arnar Ingi Jónsson

„Hingað til höfum við einungis gefið út ritað efni, en með hlaðvarpinu gefst okkur kostur á víðtækari umfjöllun og tækifæri til að fjalla um fleiri fyrirtæki og málefni á ítarlegri hátt. Þetta er í raun viðbót við það sem við höfum þegar verið að gera en markmiðið er að auka umræðu og áhuga á hlutabréfa- og fjármálamarkaðnum,“ segir Arnar.

Hlaðvarpið er aðgengilegt á Umræðunni og öllum helstu streymisveitum. Í fyrsta þætti Markaðsumræðunnar er fjallað um smásölumarkaðinn á Íslandi og eldsneytismarkaðinn. Rætt er um yfirvofandi orkuskipti og áhrif þeirra á skráð félög á markaði, auk þess sem fjallað er um nýlegar stýrivaxtaákvarðanir og horfur fyrir næstu misseri.

Markaðsumræðan

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista