Fréttir

03. október 2019 14:25

Yfir 200 sóttu fræðslufund Landsbankans um netöryggismál

Yfir 200 manns sóttu fræðslufund Landsbankans um netöryggismál sem haldinn var fimmtudaginn, 3. október sl., á Hilton Reykjavík Nordica. Fundurinn var sérstaklega ætlaður starfsfólki fyrirtækja og stofnana.

Á fundinum fjölluðu netöryggissérfræðingar hjá Landsbankanum um hvernig bera má kennsl á fjársvikatilraunir og hvaða aðferðum fyrirtæki geta beitt til að koma í veg fyrir fjártjón af völdum netsvika. Fjallað var um þekktar aðferðir netsvikara og hvernig fjársvikatilraunir hafa þróast undanfarna mánuði.

Október er sérstaklega helgaður baráttunni fyrir auknu netöryggi í Evrópu og var fundurinn hluti af því átaki.

Fræðsluefni á Umræðunni

Fjársvikum á netinu hefur fjölgað mikið að undanförnu og svikararnir herja bæði á fyrirtæki og einstaklinga. Landsbankinn tekur öryggismál mjög alvarlega og hefur bæði haldið fundi fyrir fyrirtæki og birt aðgengilegt fræðsluefni á Umræðunni, efnis- og fréttaveitu bankans.


Nánar um öryggismál


19. október 2020 13:36

HEIMA fékk Gulleggið í ár

Viðskiptahugmyndin Heima sigraði í Gullegginu 2020, frumkvöðlakeppni Icelandic Startups. Heima er smáforrit sem skiptir húsverkum og huglægu byrðinni af heimilishaldi jafnt á milli sambýlinga.


Nánar

19. október 2020 07:59

Vikubyrjun 19. október 2020

Greiðslukortavelta Íslendinga í verslunum hér á landi jókst um 7% milli ára í september, sé miðað við fast verðlag. Síðan í maí, þegar fyrsta bylgja faraldursins var að líða undir lok, hefur mælst stöðug aukning á kortaveltu Íslendinga innanlands samanborið við sama mánuð í fyrra.


Nánar

16. október 2020 14:02

Hagsjá: Spáum 3,5% verðbólgu í október

Hagstofan birtir októbermælingu vísitölu neysluverðs (VNV) fimmtudaginn 29. október. Hagfræðideild Landsbankans spáir 0,35% hækkun milli mánaða. Gangi spáin eftir verður verðbólgan óbreytt í 3,5%.


Nánar

Skráðu þig á póstlista