Fréttir

27. september 2019 12:54

Fræðslufundur um netöryggismál fyrir starfsfólk fyrirtækja og stofnana

Landsbankinn stendur fyrir fræðslufundi um netöryggismál fyrir starfsfólk fyrirtækja og stofnana að morgni fimmtudagsins 3. október nk. á Hilton Reykjavík Nordica frá kl. 9.00 – 10.30.

Á fundinum munu netöryggissérfræðingar hjá Landsbankanum fjalla um hvernig bera má kennsl á fjársvikatilraunir og hvaða aðferðum fyrirtæki geta beitt til að koma í veg fyrir fjártjón af völdum netsvika. Fjallað verður um þekktar aðferðir netsvikara og hvernig fjársvikatilraunir hafa þróast undanfarna mánuði.

Fundurinn verður haldinn í fundarsalnum H sem er á annari hæð á Hilton Reykjavík Nordica, Suðurlandsbraut 2. Boðið verður upp á léttar veitingar. Aðgangur er ókeypis en nauðsynlegt er að skrá sig á fundinn.

Október er sérstaklega helgaður baráttunni fyrir auknu netöryggi í Evrópu og er fundurinn hluti af því átaki.

Við bendum einnig á aðgengilegt fræðsluefni um netöryggismál á Umræðunni, efnis- og fréttaveitu Landsbankans.

Skráning á netöryggisfund 3. október

26. maí 2020 16:44

Afgreiðslan í Bolungarvík sameinast útibúinu á Ísafirði

Afgreiðsla Landsbankans í Bolungarvík mun sameinast útibúinu á Ísafirði þann 1. júlí næstkomandi. Landsbankinn hefur frá árinu 2015 rekið afgreiðslu í Ráðhúsi Bolungarvíkur en samhliða aukinni notkun á stafrænni þjónustu hefur eftirspurn eftir gjaldkeraþjónustu minnkað mikið.


Nánar

26. maí 2020 07:47

Hagsjá: Mikil hækkun launavísitölu í apríl – opinberi markaðurinn kominn inn aftur

Samkvæmt tölum Hagstofu Íslands hækkaði launavísitalan um 3,3% milli mars og apríl. Síðustu 12 mánuði hefur launavísitalan hækkað um 6,8%, sem er mun meiri ársbreyting en verið hefur síðustu mánuði. Þar sem verðbólga hefur verið lítil þýða þessar miklu launabreytingar að kaupmáttur tók stökk upp á við. Kaupmáttur launa jókst þannig um 2,8% milli mars og apríl og var 4,5% meiri nú í apríl en í apríl í fyrra. Sú staða er reyndar mjög athyglisverð í ljósi þess að hallað hefur verulega undan fæti í efnahagslífinu.


Nánar

25. maí 2020 11:45

Hagsjá: Verð íslenskra sjávarafurða hélt áfram að hækka á fyrsta ársfjórðungi

Efnahagsleg áhrif Covid-19 megnuðu ekki að lækka verð á íslenskum sjávarafurðum á fyrsta ársfjórðungi.


Nánar

Skráðu þig á póstlista