Fréttir

23. september 2019 14:09

Landsbankinn skrifar undir ný viðmið SÞ um ábyrga bankastarfsemi

Lilja Björk Einarsdóttir, bankastjóri Landsbankans, skrifaði undir viðmið um ábyrga bankastarfsemi í höfuðstöðvum Sameinuðu þjóðanna ásamt bankastjórum víðsvegar að úr heiminum. António Guterres, aðalframkvæmdastjóri Sameinuðu þjóðanna, stendur fyrir miðju á myndinni.

Lilja Björk Einarsdóttir, bankastjóri Landsbankans, skrifaði undir ný viðmið um ábyrga bankastarfsemi í höfuðstöðvum Sameinuðu þjóðanna í New York 22. september. Landsbankinn er þar í hópi 130 banka víðsvegar að úr heiminum en viðmiðunum er ætlað að tengja fjármálastarfsemi við heimsmarkmið Sameinuðu þjóðanna um sjálfbæra þróun og Parísarsáttmálann og vera alþjóðlegur mælikvarði á ábyrga bankaþjónustu.

Viðmiðin voru formlega kynnt við upphaf allsherjarþings Sameinuðu þjóðanna en þetta er viðamesta samstarfsverkefni alþjóðlega bankakerfisins og Sameinuðu þjóðanna hingað til.

Antonio Guterres, aðalframkvæmdastjóri Sameinuðu þjóðanna: „Viðmið Sameinuðu þjóðanna um ábyrga bankastarfsemi eru leiðbeiningar sem bankar um allan heim geta notað til að taka þátt í, leiða og njóta ávinnings af sjálfbæru hagkerfi. Viðmiðin skapa ábyrgðarskyldu og metnað til að ná árangri.”

Lilja Björk Einarsdóttir, bankastjóri Landsbankans: „Ljóst er að áskoranir í samfélags- og umhverfismálum eru margar. Landsbankinn er stærsti viðskiptabanki landsins, einn af fjölmennustu vinnustöðunum og er nátengdur stærstu atvinnuvegum þjóðarinnar sem allir reiða sig á ábyrga nýtingu auðlinda og velferð. Því er mikilvægt að samfélagsábyrgð sé hluti af kjarnastarfsemi bankans og daglegum ákvörðunum.“

Viðmiðin um ábyrga bankastarfsemi voru þróuð af 30 alþjóðlegum bönkum í samvinnu við UNEP FI (United Nations Environmental Programme - Financial Initiative) og byggja á aðgerðaramma um innleiðingu og ábyrgðarskyldu. Með undirskriftinni skuldbinda bankarnir sig til að beita sér þar sem áhrifavald þeirra er mest, þ.e. í gegnum kjarnastarfsemi sína, og vinna markvisst að því að auka jákvæð áhrif og draga úr neikvæðum áhrifum starfseminnar á samfélagið og náttúruna og greina frá því á gagnsæjan hátt. Þetta er í fyrsta sinn sem settar eru fram alþjóðlegar leiðbeiningar um samþættingu sjálfbærniviðmiða á öllum stigum bankastarfsemi.


06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

13. febrúar 2020 16:12

Skertur afgreiðslutími í útibúum vegna óveðurs

Vegna óveðurs mun útibú Landsbankans á Ísafirði verða lokað í dag, 14. febrúar en útibú bankans á Húsavík og á Þórshöfn munu loka kl. 14 í dag.


Nánar

13. febrúar 2020 13:03

Umræðan: Dulúðugur, leitandi og persónulegur – Kjarvalssýning í Landsbankanum

Jóhannes Sveinsson Kjarval var tvímælalaust sérstæðasti og ástsælasti myndlistarmaður Íslendinga á tuttugustu öld. Nú stendur yfir sýning á 24 verkum Kjarvals í útibúi Landsbankans í Austurstræti 11. Í nýrri grein á Umræðunni fjallar Aðalsteinn Ingólfsson, listfræðingur, um Kjarval og Kjarvalsverk í eigu bankans.


Nánar