Fréttir

12. september 2019 10:24

Ferðaþjónusturáðstefna Landsbankans haldin 26. september

Landsbankinn stendur fyrir opinni ráðstefnu um stöðu og framtíðarhorfur ferðaþjónustu á Íslandi fimmtudaginn 26. september 2019 í Silfurbergi Hörpu.

Boðið verður upp á morgunverð frá kl. 8.00 og ráðstefnan hefst stundvíslega kl. 8.30.

Á ráðstefnunni verður fjallað um nýja og ítarlega greiningu Hagfræðideildar Landsbankans á ferðaþjónustunni, rýnt verður í framtíðina og rætt við forystufólk í greininni. Einnig verða kynntar niðurstöður nýrrar könnunar um stöðuna sem gerð var meðal fólks sem starfar í ferðaþjónustunni.

Dagskrá

Lilja B. Einarsdóttir, bankastjóri Landsbankans, setur fundinn.

Við vertíðarlok - staða og horfur í ferðaþjónustunni
Dr. Daníel Svavarsson, forstöðumaður Hagfræðideildar Landsbankans.

Erfitt ár en víða vöxtur og bjartsýni
Gústaf Steingrímsson, hagfræðingur hjá Landsbankanum.

Bein áhrif af beinu flugi
Kristján Sigurjónsson, ritstjóri vefmiðilsins Túristi.is.

Sjálfbærni er samnefnari
Pétur Þorsteinn Óskarsson, framkvæmdastjóri Íslandsstofu.

Guðmunda Ósk Kristjánsdóttir, viðskiptastjóri hjá Landsbankanum, stýrir fundi.

Pallborðsumræður um framtíðarhorfur ferðaþjónustu og flugrekstrar á Íslandi:

  • Bogi Nils Bogason, forstjóri Icelandair Group.
  • Bjarnheiður Hallsdóttir, formaður Samtaka ferðaþjónustunnar.
  • Sveinbjörn Indriðason, forstjóri Isavia.

Sveinn Þórarinsson, sérfræðingur í Hagfræðideild Landsbankans, stýrir umræðum.

Skráning á fundinn

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista