Fréttir

30. ágúst 2019 12:00

Breyttir skilmálar Fasteignagrunns, Framtíðargrunns og Landsbókar

Breyttir skilmálar verðtryggðra greiðslureikninga Landsbankans taka gildi 1. nóvember 2019. Nánar tiltekið er um að ræða breytingar á samningsskilmálum Fasteignagrunns, Framtíðargrunns og Landsbókar. Breytingarnar eru til komnar vegna nýrra reglna Seðlabanka Íslands nr. 877/2018, um verðtryggingu sparifjár og lánsfjár, sem taka munu gildi 1. nóvember 2019, sbr. reglur nr. 109/2019.

Samkvæmt núgildandi skilmálum allra verðtryggðra greiðslureikninga er innstæða laus í einn mánuð eftir umsaminn binditíma, binst eftir það í fimm mánuði og er síðan aftur laus í einn mánuð o.s.frv. Með nýjum skilmálum verður innstæða laus í einn mánuð eftir umsaminn binditíma. Að innlausnartímabili loknu binst innstæðan á ný og verður frá því uppsegjanleg með þriggja mánaða fyrirvara.

Vakin er athygli á að með núgildandi skilmálum binst hver innborgun í umsaminn tíma, að lágmarki í 36 mánuði. Þrátt fyrir að sparað sé með reglubundnum sparnaði mun öll innstæðan þannig ekki losna eftir lágmarks binditíma frá skráningu reglubundins sparnaðar heldur losnar hver og ein innborgun fyrir sig.

Skilmálar Fasteignagrunns 1. nóvember 2019
Skilmálar Framtíðargrunns 1. nóvember 2019
Skilmálar Landsbókar 1. nóvember 2019

26. nóvember 2020 15:10

Hagsjá: Afgangur af þjónustuviðskiptum en halli á vöruviðskiptum

Útflutningur vöru og þjónustu nam 244,5 mö.kr. á þriðja ársfjórðungi borið saman við um 374,7 ma.kr. á sama tímabili í fyrra. Hann dróst því saman um 130,2 ma.kr., eða rúman þriðjung milli ára. Innflutningur vöru og þjónustu nam 258,1 mö.kr. á þriðja fjórðungi borið saman við 314,3 ma.kr. á sama tímabili í fyrra. Hann dróst því saman um 56,3 ma.kr., eða 17,9%. Halli á vöru- og þjónustuviðskiptum nam því 13,6 mö.kr. en á sama tíma í fyrra var afgangur upp á 60,4 ma.kr.


Nánar

25. nóvember 2020 16:30

Landsbankinn lækkar vexti

Landsbankinn lækkar vexti til einstaklinga og fyrirtækja og mun ný vaxtatafla taka gildi 1. desember nk. Breytilegir vextir á óverðtryggðum íbúðalánum lækka um 0,20 prósentustig. Kjörvextir óverðtryggðra útlána til fyrirtækja lækka um 0,20 prósentustig.


Nánar

24. nóvember 2020 12:31

Hagsjá: Airbnb markaðurinn mun líkast til halda áfram að smækka

Hlutfall íbúða í Airbnb með enga nýtingu er mun hærra en á síðustu árum.


Nánar

Skráðu þig á póstlista