Fréttir

28. ágúst 2019 14:02

Árshlutauppgör Landsbréfa 30. júní 2019

Starfsemi Landsbréfa gekk vel á fyrstu sex mánuðum ársins. Allir verðbréfa- og fjárfestingarsjóðir Landsbréfa skiluðu jákvæðri ávöxtun á tímabilinu og nam afkoma sjóðanna alls 6.858 milljónum króna. Hagnaður Landsbréfa nam 301 milljónum króna. Eignir í stýringu voru 163 milljarðar króna í lok tímabilsins.

  • Hagnaður verðbréfa- og fjárfestingarsjóða í rekstri hjá félaginu sem rennur til viðskiptavina í formi ávöxtunar nam 6.858 m. kr. á tímabilinu samanborið við 1.879 m. kr. á sama tímabili árið á undan.
  • Hrein eign verðbréfa- og fjárfestingarsjóða í rekstri hjá félaginu í lok júní var 123 ma. kr. samanborið við 109 ma. kr. í lok síðasta árs.
  • Heildar eignir í stýringu í lok júní voru 163 ma. kr. samanborið við 155 ma. kr. í lok síðasta árs.
  • Hreinar rekstrartekjur námu 912 m. kr.
  • Hagnaður félagsins eftir skatta var 301 m. kr.

Helgi Þór Arason, framkvæmdastjóri Landsbréfa segir:

„Rekstur Landsbréfa og sjóða félagsins gekk vel á fyrri helmingi ársins. Það er sérstaklega ánægjulegt að sjá góða ávöxtun verðbréfa- og fjárfestingarsjóða Landsbréfa. Rekstur Landsbréfa sjálfra gekk einnig vel á tímabilinu, en hagnaður á fyrri árshelmingi var rúmar 300 milljónir og eru Landsbréf því að skila Landsbankanum eiganda félagsins góðri arðsemi.“

Landsbréf - Árshlutareikningur fyrri árshelmings 2019

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista