Fréttir

09. ágúst 2019 13:59

Úthlutun úr Gleðigöngupotti Hinsegin daga og Landsbankans

Tíu verkefni hlutu styrk úr Gleðigöngupotti Hinsegin daga og Landsbankans. Hinsegin dagar fagna 20 ára afmæli í ár og af því tilefni er dagskráin veglegri og fjölbreyttari en nokkru sinni fyrr. Hápunktur hátíðarinnar er  Gleðigangan 17. ágúst. Opnað var fyrir styrki úr Gleðigöngupotti Hinsegin daga og Landsbakans í byrjun sumars og var úhlutað úr pottinum í þriðja skiptið í lok júlí.

Niðurstöður dómnefndar vegna ársins 2019 voru sem hér segir:

  • Drag-Súgur = 400.000 kr.
  • Ein stór fjölskylda = 400.000 kr.
  • Q – félag hinsegin stúdenta: Á bakvið glimmerið og glamúrinn = 200.000 kr.
  • Hinsegin kórinn = 180.000 kr.
  • Bangsar og birnir í gleðigöngunni = 100.000 kr.
  • Hinsegin félagsmiðstöð: Takk fyrir að byrja, við ætlum að berjast óhrædd áfram! = 100.000 kr.
  • Félag Ása á Íslandi = 70.000 kr.
  • BDSM á Íslandi = 70.000 kr.
  • Jafnréttisnefnd SHÍ = 50.000 kr.
  • Félag hinsegin foreldra = 50.000 kr.

Samþykkt var að veita samtals styrki fyrir allt að 1.620.000 kr. en til viðbótar við 1.500.000 króna framlag Landsbankans hafði dómnefnd til ráðstöfunar 180.000 kr. sem ekki gengu út árið 2017.

Dómnefndina í ár skipuðu þau Gunnlaugur Bragi Björnsson – formaður Hinsegin daga, Karen Ósk Magnúsdóttir – gjaldkeri Hinsegin daga, Eva Jóhannsdóttir – formaður göngustjórnar Gleðigöngu Hinsegin daga, Sigurður Þorri Gunnarsson - útvarpsmaður og Sigyn Blöndal - dagskrárgerðkona.

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista