Fréttir

15. júlí 2019 10:35

Landsbankinn valinn besti banki á Íslandi

Euromoney

Alþjóðlega fjármálatímaritið Euromoney hefur valið Landsbankann besta bankann á Íslandi. Euromoney útnefnir árlega bestu banka víða um heim og veitir þeim viðurkenninguna Award for Excellence. Við útnefninguna er litið til ýmissa þátta í rekstri og stefnu bankanna, eins og afkomu af reglulegri starfsemi, kostnaðarhagræðingar og þjónustuframboðs.

Í frétt Euromoney kemur fram að fjárhagsleg afkoma Landsbankans á tímabillinu undirstriki afburða góða stöðu hans meðal íslenskra banka, einkum hvað varðar skilvirkni og arðsemi, auk þess sem heilbrigður vöxtur hafi orðið í lánum og innstæðum. Þá leggi Landsbankinn áherslu á að bjóða upp á vörur og kerfi sem skipi honum í fremstu röð íslenskra banka þegar kemur að stafrænum lausnum.

Lilja Björk Einarsdóttir, bankastjóri Landsbankans, segir: „Við erum stolt af því að vera valinn besti bankinn á Íslandi, en verðlaunin eru enn ein staðfesting á þeim árangri sem Landsbankinn hefur náð og er það ekki síst öflugum hópi starfsmanna að þakka. Við settum okkur skýr markmið um innleiðingu stafrænna lausna sem hefur skilað sér í hagkvæmari rekstri og aukinni ánægju viðskiptavina. Verðlaunin eru hvatning til okkar um að veita áfram frábæra þjónustu en jafnframt tryggja að rekstur bankans sé traustur til lengri tíma.“

07. apríl 2020 14:49

Hagsjá: Líklegt að stórkaup dragist saman

Fyrirhuguð stórkaup hafa ekki mælst lægri síðan undir lok árs 2014. Mun færri utanlandsferðir eru nú fyrirhugaðar.


Nánar

07. apríl 2020 14:10

Hagsjá: Öflugur aðgerðapakki stjórnvalda til handa fyrirtækjum

Þegar litið er á stöðu íslenskra fyrirtækja eins og hún var áður en heimsfaraldurinn skall á má sjá að hún var sögulega nokkuð góð, allavega miðað við meðaltalið. Meðal þeirra skilyrða sem stendur til að setja fyrir aðstoð til fyrirtækja er að vandi þeirra hafi verið ófyrirséður og sýnt sé að þau geti orðið rekstrarfær með viðeigandi aðstoð eftir að heimsfaraldrinum linnir. Þetta mat verður ekki alltaf auðvelt og mikil og flókin vinna er væntanlega framundan við að meta hver getur nýtt sér úrræðið og hver ekki.


Nánar

07. apríl 2020 12:28

Umræðan: Hvað þarf að hafa í huga við úttekt séreignarsparnaðar?

Stjórnvöld hafa veitt tímabundna heimild fyrir úttekt á séreignarsparnaði sem getur hentað fyrir hvern þann sem missir tekjur vegna Covid-19, sérstaklega ef annar sparnaður er ekki fyrir hendi. Áður en ákvörðun er tekin er mikilvægt að kynna sér áhrif úttektar á inneign, framtíðarávöxtun, skattgreiðslur og fleira.


Nánar