Fréttir

15. júlí 2019 10:35

Landsbankinn valinn besti banki á Íslandi

Euromoney

Alþjóðlega fjármálatímaritið Euromoney hefur valið Landsbankann besta bankann á Íslandi. Euromoney útnefnir árlega bestu banka víða um heim og veitir þeim viðurkenninguna Award for Excellence. Við útnefninguna er litið til ýmissa þátta í rekstri og stefnu bankanna, eins og afkomu af reglulegri starfsemi, kostnaðarhagræðingar og þjónustuframboðs.

Í frétt Euromoney kemur fram að fjárhagsleg afkoma Landsbankans á tímabillinu undirstriki afburða góða stöðu hans meðal íslenskra banka, einkum hvað varðar skilvirkni og arðsemi, auk þess sem heilbrigður vöxtur hafi orðið í lánum og innstæðum. Þá leggi Landsbankinn áherslu á að bjóða upp á vörur og kerfi sem skipi honum í fremstu röð íslenskra banka þegar kemur að stafrænum lausnum.

Lilja Björk Einarsdóttir, bankastjóri Landsbankans, segir: „Við erum stolt af því að vera valinn besti bankinn á Íslandi, en verðlaunin eru enn ein staðfesting á þeim árangri sem Landsbankinn hefur náð og er það ekki síst öflugum hópi starfsmanna að þakka. Við settum okkur skýr markmið um innleiðingu stafrænna lausna sem hefur skilað sér í hagkvæmari rekstri og aukinni ánægju viðskiptavina. Verðlaunin eru hvatning til okkar um að veita áfram frábæra þjónustu en jafnframt tryggja að rekstur bankans sé traustur til lengri tíma.“

26. nóvember 2020 15:10

Hagsjá: Afgangur af þjónustuviðskiptum en halli á vöruviðskiptum

Útflutningur vöru og þjónustu nam 244,5 mö.kr. á þriðja ársfjórðungi borið saman við um 374,7 ma.kr. á sama tímabili í fyrra. Hann dróst því saman um 130,2 ma.kr., eða rúman þriðjung milli ára. Innflutningur vöru og þjónustu nam 258,1 mö.kr. á þriðja fjórðungi borið saman við 314,3 ma.kr. á sama tímabili í fyrra. Hann dróst því saman um 56,3 ma.kr., eða 17,9%. Halli á vöru- og þjónustuviðskiptum nam því 13,6 mö.kr. en á sama tíma í fyrra var afgangur upp á 60,4 ma.kr.


Nánar

25. nóvember 2020 16:30

Landsbankinn lækkar vexti

Landsbankinn lækkar vexti til einstaklinga og fyrirtækja og mun ný vaxtatafla taka gildi 1. desember nk. Breytilegir vextir á óverðtryggðum íbúðalánum lækka um 0,20 prósentustig. Kjörvextir óverðtryggðra útlána til fyrirtækja lækka um 0,20 prósentustig.


Nánar

24. nóvember 2020 12:31

Hagsjá: Airbnb markaðurinn mun líkast til halda áfram að smækka

Hlutfall íbúða í Airbnb með enga nýtingu er mun hærra en á síðustu árum.


Nánar

Skráðu þig á póstlista